बॉलिवूड कलाकार हे कायमच त्यांच्या खासगी आयुष्यामुळे चर्चेत असतात. ते कोणाला डेट करत आहेत? ते कोणासोबत लग्न करत आहेत? लग्नानंतर त्यांच्या आयुष्यात नेमकं काय सुरु आहे? अशा अनेक गोष्टी जाणून घेण्यासाठी चाहते आतुर असतात. आता बॉलिवूडमधील एका प्रसिद्ध अभिनेत्याच्या बायकोने धक्कादायक खुलासा केला आहे.
आम्ही ज्या अभिनेत्याबद्दल बोलत आहोत ते ओम पुरी आहेत. ओम पुरी यांची पहिली पत्नी सीमा कपूर यांनी अलीकडील एका मुलाखतीत आपली कहाणी सांगितली आहे. दिवंगत अभिनेत्यासोबतच्या नात्याची आठवण काढताना सीमा यांनी सांगितले की लग्नाच्या एक दिवस आधी त्यांनी घरातील मोलकरणीसोबतच्या अफेअरबद्दल त्यांना सांगितले होते. सीमा यांनी आरोप केला की नंतर ओम पुरी यांनी दुसऱ्या पत्नी नंदितामुळे फसवणुक केली आणि हे सर्व त्यांना तेव्हा सांगितले जेव्हा त्या गर्भवती होत्या. त्यानंतर त्यांचा घटस्फोट झाला.
सीमा कपूर यांनी सिद्धार्थ कन्ननला मुलाखत दिली. सीमा यांनी सांगितले की गर्भधारणेदरम्यान जेव्हा त्यांनी ओम पुरी यांचे घर सोडले, त्यानंतर त्यांचे बाळही वाचले नाही. सीमा कपूर या बॉलिवूड अभिनेते अन्नू कपूर यांची सख्खी बहिण.
‘आमची साखरपुडा १९८९ मध्ये झाला होता आणि का माहित नाही, पण दोन्ही कुटुंबांनी आम्हाला लग्नासाठी घाईत टाकले. अन्नू शूटिंगसाठी बाहेर गेले होते आणि त्यांना आपल्या लाडक्या बहिणीच्या साखरपुड्याबद्दल दुसऱ्यांकडून कळल्यामुळे ते खूप रागावले होते’ असे सीमा कपूर म्हणाल्या.
सीमा पुढे म्हणाल्या, ‘लग्नाच्या एक दिवस आधी लग्न मोडण्याची हिंमत माझ्यात नव्हती. आजकालच्या स्त्रिया खूपच हिंमतवान असतात. त्यापैकी काही तर लग्नाच्या दिवशीही मागे हटतात.’ सीमा नंतर नंदिताशीही घटस्फोट झाला
लक्षात घ्या की ओम पुरी आणि सीमा कपूर यांनी १९९० मध्ये लग्न केले होते आणि काही वर्षांनी ते वेगळे झाले. नंतर अभिनेत्याने १९९३ मध्ये नंदिताशी लग्न केले, मात्र त्यांचेही लग्न २०१३ मध्ये घटस्फोटात संपले. ओम पुरी यांचे जानेवारी २०१७ मध्ये ६६ व्या वर्षी हृदयाघाताने निधन झाले.
Leave a Reply