‘वडा पाव गर्ल’ या नावाने प्रसिद्ध असलेली चंद्रिका दीक्षित पुन्हा एकदा आपल्या जुन्या विधानामुळे चर्चेत आहेत. काही काळापूर्वी दिलेल्या एका पॉडकास्ट मुलाखतीची छोटाशी क्लिप सोशल मीडियावर व्हायरल झाली. या क्लिपमध्ये चंद्रिका म्हणाली होती की, आपल्या मुलाच्या संगोपनासाठी ती कोणाबरोबर झोपायला लागले तरी तयार आहे. या विधानानंतर तिला खूप ट्रोल केले गेले आणि आजही तिला याच मुद्द्यावरुन ट्रोल केले जात आहे चंद्रिकाने आता यावर पुन्हा वक्तव्य केले आहे. या विधानानंतर तिला अनेक गोष्टींचा सामना करावा लागल्याचे तिने म्हटले आहे.
नुकताच चंद्रिकाने एका पॉडकास्टमध्ये हजेरी लावली. त्यावेळी ती म्हणाली, लोक आजही तिला तोच जुना व्हिडीओ पाठवतात आणि आपत्तिजनक मेसेज करतात. तिच्या मते, अनेक लोक तिला मेसेज करून विचारतात, “तू झोपायला तयार आहेस, तर सांग किती घेशील?” चंद्रिकाने हात जोडून लोकांना विनंती केली की, तिच्या बोलण्याचा चुकीचा अर्थ काढू नये.
चंद्रिकाने म्हटले की, तिचा असा कोणताही हेतू नव्हता आणि तिने ती गोष्ट फक्त एक आई असल्याच्या भावनेमध्ये बोलली होती. तिचे म्हणणे आहे की, ज्या पॉडकास्टचा छोटा भाग व्हायरल झाला, तो साधारण साडेतीन तास लांब होता. ज्यांनी संपूर्ण मुलाखत पाहिली, त्यांनी तिच्या भावना समजल्या आणि अनेक लोकांनी तिला मेसेज करून सांगितले की, तिचे बोलणे ऐकून त्यांच्या डोळ्यात पाणी आले.
चंद्रिकाने पुन्हा सांगितले की, तिने कधीही काही चुकीचे काम केले नाही आणि असे काही करण्याचेही बोलले नव्हती. सध्या चंद्रिका चांगलीच चर्चेत आहे.
संभाषणादरम्यान चंद्रिकाने आणखी एक वेदनादायक अनुभवही सांगितला. तिने सांगितले की, एका पॉर्न वेबसाइटवर तिच्या फोटोचा वापर करण्यात आला होता. हे पाहून तिला इतका धक्का बसला की, ती मानसिकदृष्ट्या पूर्णपणे खचून गेली होती. ती म्हणाल्या की, त्या वेळी तिला आयुष्य संपवण्याचे विचारही येऊ लागले होते.
Leave a Reply