शिवसेना एकनाथ शिंदे गटाचे नेते संजय शिरसाठ यांनी विनायक राऊत यांच्या मुद्द्यावरून उद्धव ठाकरे यांच्यावर टीका केल्यानंतर शिवसेना उद्धव बाळासाहेब ठाकरे गटाच्या महिला नेत्याने त्यांना जोरदार प्रत्युत्तर दिले आहे. आयोध्या पौळ यांनी संजय शिरसाठ यांच्यावर तिखट शब्दांत हल्ला चढवला असून, त्यांच्या वैयक्तिक जीवनातील मुद्द्यांना बाहेर काढत ‘तुमच्या घरातील चड्डी-बनियान आणि पैशाची बॅग…’ अशा शब्दांत फटकारले आहे.
काय म्हणाल्या?
आयोध्या पौळ यांनी संजय शिरसाठ यांना थेट इशारा करत म्हटले, “तुमच्या घरातील चड्डी बनियान आणि पैशाची बॅग घेऊन असलेला व्हिडिओ तुमच्याच घरातील एका व्यक्तीने मला पाठवला होता. तुमच्या घरातील लेकराचे प्रेम प्रकरण तुम्ही कशा पद्धतीने हाताळलं, हे मला महाराष्ट्रात सांगायला भाग पाडू नका.”
पौळ यांनी पुढे म्हटले की, “संजय शिरसाठ, तुम्हाला पत्रकारांनी विनायक राऊत यांच्याबद्दल प्रश्न विचारले असताना तुम्ही त्याचे उत्तर देण्याऐवजी मातोश्रीवर बोललात. मातोश्री आणि विनायक राऊत यांच्या घरात काय चाललंय याकडे बघण्यापेक्षा स्वतःच्या घरात लक्ष दिले असते तर बरं झालं असतं. काही दिवसांपूर्वी तुमच्या सुनबाई पोलीस स्टेशनला गेल्या होत्या आणि मीडियासमोर आल्या होत्या, हे तुम्ही विसरलात का?”
महिला नेत्याने शिरसाठ यांना सल्लाही दिला की, “मातोश्री आणि विनायक राऊत यांच्यावर बोलण्यापेक्षा तुमच्या घरात काय सुरू आहे ते बघा! तुमच्या घरातला तमाशा तुम्ही स्वतः निस्तारायला पाहिजे. मातोश्रीवर बोलताना तोंड सांभाळून आणि मर्यादित राहून बोला.”
विनायक राऊत प्रकरण काय?
माजी खासदार विनायक राऊत यांचा मुलगा गितेश राऊत यांच्या पत्नी गिरिजा यांनी ठाण्यात पतीविरोधात तक्रार दाखल केली. या तक्रारीमध्ये त्यांनी अनेक धक्कादायक खुलासे केले आहेत. त्यामध्ये त्यांनी पती आणि सासूबाईंनी छळ केल्याचे म्हटले.
Leave a Reply