नंदूरबारच्या कथित ऑडिओ क्लिप प्रकरणाने महाराष्ट्राचं राजकारण ढवळून निघालं आहे. विजय चौधरी आणि मंत्री गिरीश महाजन यांच्यातील संभाषणाच्या कथित ऑडिओ क्लिपमुळे राजकीय वर्तुळात खळबळ उडाली आहे. या ऑडिओ क्लिपमध्ये भाजप नेते विजय चौधरी यांनी केंद्रीय राज्यमंत्री रक्षा खडसे यांच्याविषयी आक्षेपार्ह शब्द वापरल्याचे समोर आले आहे.
भाजपचे उत्तर महाराष्ट्र संयोजक विजय चौधरी यांनी रक्षा खडसे यांचा राजीनामा मागत मोठं वक्तव्य केलं आहे. ते म्हणालेत, ‘हा एकनाथ खडसे उटसुट भाजपबाबत काही काही बोलत असतो आणि त्यांच्याच घरातील रक्षा खडसे हीला मंत्रिमंडळात ठेवलं आहे. एकनाथ खडसे आणि रक्षा खडसे एकाच कुटुंबातील आहेत, मग नेहमीच एकमेकांना मदत करतात. हे किती दिवस चालवायचं? वरिष्ठांना सांगा, काहीतरी करावंच लागेल ना…’ यावर गिरीश महाजन ‘हो’ अशी प्रतिक्रिया देत असल्याचं दिसत आहे. ही ऑडिओ क्लिप व्हायरल होताच चर्चांना उधाण आले आहे.
Leave a Reply