एका अभिनेत्रीसोबत एअरपोर्टवरील व्हिडीओ व्हायरल झाल्यापासून अभिनेता गोविंदाचं खासगी आयुष्य तुफान चर्चेत आहे. गोविंदाची पत्नी सुनिता अहुजाने अनेकदा त्याच्यावर एक्स्ट्रा मॅरिटल अफेअरचे आरोप केले आहेत. अफेअरच्या चर्चांदरम्यान गोविंदाला अभिनेत्री कोमल राणी स्वर्णकारसोबत एअरपोर्टवर पाहिलं गेलं. विशेष म्हणजे सुनिताने एका मुलाखतीत कोमलचा अप्रत्यक्षपणे उल्लेखसुद्धा केला होता. कोमल या नावाचा मला प्रचंड तिरस्कार आहे, असं तिने म्हटलं होतं. या व्हायरल व्हिडीओच्या पार्श्वभूमीवर आता गोविंदाची एक प्रतिक्रिया चर्चेत आली आहे. अफेअरच्या चर्चांबद्दल प्रतिक्रिया देताना गोविंदाने संबंधित अभिनेत्रीचे आभार मानले होते. “अशा गोष्टींमुळे वृत्तांमध्ये येऊनही तिने चकार शब्द न काढल्याबद्दल मी तिचे आभार मानतो”, असं गोविंदाने म्हटलं होतं.
काय म्हणालेला गोविंदा?
पत्नी सुनिताने केलेल्या फसवणुकीच्या आरोपांवर गोविंदा म्हणाला, “माझ्यावर कधी आरोप लागले नाहीत? जी व्यक्ती आरोप करतेय, ती माझं बालपणीचं प्रेम आहे. प्रेमाच्या बाबतीत, ते कधीच नीट जमलं नाही. आता हे प्रेम कोणाच्या तरी विचारानुसार म्हातारपणाचं झालं आहे. बैलाचा आयुष्यभर वापर झाल्यावर त्याला कत्तलखान्यात पाठवलं जातं. मी चार सुपरस्टार्स, मिस युनिव्हर्स हिरोइनसोबत काम केलंय. मी कधीच त्यांच्याकडे पाहिलंसुद्धा नाही. माझी एकही हिरोइन माझ्याबद्दल अशी तक्रार करू शकत नाही की मी तिला त्रास दिला असेन किंवा तिच्याबद्दल अपशब्द वापरले असतील. त्यामुळे माझ्या घरी जी हिरोइन येत आहे आणि जी माझ्या प्रॉडक्शन अंतर्गत करिअरची सुरुवात करत आहे, तिच्यासोबत मी कधीच काही चुकीचं करणार नाही.”
अभिनेत्रीसोबत गोविंदाचा व्हिडीओ
View this post on Instagram
कोमलचे मानले आभार
“माझी आईसुद्धा हिरोइन होती आणि मी कधीच कोणत्या हिरोइनसोबत गैरवर्तन केलं नाही. आता ती थेट नाव घेऊन बोलत आहे आणि मला असे शब्द आवडत नाहीत. त्यामुळे मी नवोदित अभिनेत्रींची माफी मागतो. या आरोपांनंतर कदाचित ते माझ्यासोबत काम करताना घाबरतील. सुनिताने ज्या कोमलचं नाव घेतलं आहे, मी तिचे आभार मानतो. ती गप्प आहे, एकही शब्द बोलत नाहीये, यासाठी मी तिचे आभार मानतो. कारण आजकालच्या तरुण अभिनेत्री थेट शिवीगाळ करतात. मी खासकरून कोमलचे आभार मानतो, कारण अशा पद्धतीने बातम्यांमध्ये येऊनही तिने चकार शब्द काढला नाही. अशा घटनांचा वापर करून प्रसिद्धीच्या झोतात येणाऱ्यांपैकी ती नाही”, असं गोविंदाने स्पष्ट केलं होतं.
‘मिस मालिनी’ला दिलेल्या मुलाखतीत सुनिताने आरोप केले होते, “तारुण्यात चुका होतात, पण वयाच्या 63 व्या वर्षी हे सर्व ऐकणं योग्य वाटत नाही.” यानंतर जेव्हा मुलाखतकर्त्याने ‘कोमल’ असं नाव घेतलं, तेव्हा सुनिता पुढे म्हणाली, “या नावातच जरा गडबड आहे. मला कोमल या नावाचा खूप तिरस्कार आहे. एक आहे कोमल… XYZ कोणीतरी.. मला तिचा खूप तिरस्कार आहे.”
Leave a Reply