बॉलिवूडमध्ये अनेक गाणी येतात आणि काळाच्या ओघात विस्मरणात जातात. मात्र काही गाणी अशी असतात की त्यांची लोकप्रियता अनेक वर्षे कायम राहते. अशाच सदाबहार गाण्यांपैकी एक म्हणजे ‘मुंगडा मुंगडा’ .
तब्बल 49 वर्षांच्या प्रवासात या गाण्याने चार वेगवेगळ्या चित्रपटांमध्ये स्थान मिळवले असून प्रत्येक वेळी प्रेक्षकांचे भरभरून प्रेम मिळवले आहे. हे गाणे सर्वप्रथम 1977 मध्ये प्रदर्शित झालेल्या 'इंकार' या चित्रपटात झळकले होते.
उषा मंगेशकर यांनी गायलेल्या या गाण्यावर हेलन यांनी सादर केलेल्या नृत्याने प्रेक्षकांना अक्षरशः वेड लावले होते. गाण्याचे बोल, संगीत आणि हेलन यांची अदाकारी यामुळे हे गाणे त्या काळातील सुपरहिट ठरले.
यानंतर 1984 मध्ये प्रदर्शित झालेल्या 'अंदर बहार' या चित्रपटातही हे गाणे पुन्हा वापरण्यात आले. चित्रपटाला संमिश्र प्रतिसाद मिळाला असला तरी ‘मुंगडा मुंगडा’ची लोकप्रियता कायम राहिली.
1990 मध्ये आलेल्या 'घायल' या सुपरहिट चित्रपटातही या गाण्याचा समावेश करण्यात आला. या चित्रपटाने बॉक्स ऑफिसवर मोठे यश मिळवले आणि त्यासोबतच ‘मुंगडा मुंगडा’ पुन्हा एकदा चर्चेत आले. त्यानंतर जवळपास तीन दशकांनंतर 2019 मध्ये प्रदर्शित झालेल्या Total Dhamaal या चित्रपटासाठी हे गाणे नव्या स्वरूपात रिक्रिएट करण्यात आले. जुन्या गाण्याचा ठेका आणि नव्या पिढीचा अंदाज यामुळे हे गाणे पुन्हा एकदा प्रेक्षकांच्या पसंतीस उतरले.
Leave a Reply