अहिल्यानगरच्या मानोरी गावातील तरुण शेतकऱ्याची गाय तब्बल 2 लाख 21 हजार रुपयांना विकली गेली आहे.. या गायची दूध देण्याची क्षमता 40 लिटरपर्यंत असल्याचं सांगीतलं जातंय.. विक्रमी किंमत मिळाल्याने या गाईला, डीजेच्या तालावर मिरवणूक काढून वाजत गाजत निरोप देण्यात आला..
मानोरी गावात निघालेली गाईची मिरवणूक चर्चेचा विषय ठरतोय. डीजेचा दणदणाट.. ग्रामस्थांची गर्दी.. गाईची पूजा.. फुलांचा हार आणि त्यानंतर वाजतगाजत निरोप.. मानोरी गावातलं हे दृश्य एखाद्या मोठ्या सोहळ्यापेक्षा कमी नव्हतं.. पण ही मिरवणूक कशासाठी? असा प्रश्न तुम्हाला देखील पडला असेल,
तर, तब्बल 2 लाख 21 हजार रुपयांना विकल्या गेलेल्या या जातवंत गाईसाठी ही भव्य मिरवणूक काढण्यात आली. गाईच्या विक्रीची बातमी समजताच ग्रामस्थांनीही मोठ्या उत्साहात तिचं दर्शन घेतलं आणि थाटामाटात मिरवणूक काढत गाईला निरोप दिला..
मानोरी येथील तरुण दूध उत्पादक शेतकरी गजानन थोरात यांनी या गाईचं उत्तम संगोपन केलं.. योग्य आहार, नियमित देखभाल, स्वच्छता, आरोग्याची काळजी आणि जातवंत जनावरांची निवड.. या सगळ्याचा परिणाम म्हणजे या गाईला मिळालेला तब्बल 2 लाख 21 हजार रुपयांचा भाव..
शेतीतून अपेक्षित उत्पन्न मिळत नाही म्हणून अनेक तरुण, शेतीपासून दूर जात आहेत.. मात्र मेहनत, योग्य नियोजन आणि पशुधनाचं उत्तम संगोपन केलं, तर दुग्ध व्यवसायातूनही लाखोंची कमाई करता येते, हे मानोरीच्या गजानन थोरात यांनी दाखवून दिलंय..
Leave a Reply