प्रसिद्ध आणि दिग्गज अभिनेत प्रदीप रावत यांच्या निधनानंतर चाहत्यांना मोठा धक्का बसला आहे. वयाच्या 74 व्या वर्षी प्रदीप यांनी अखेरचा श्वास घेतला. त्यांच्याबद्दल सांगायचं झालं तर, प्रदीप यांनी फक्त हिंदी सिनेविश्वातच नाही तर, तामिळ, तेलुगू आणि नेपाळी सिनेमांमध्ये देखील दमदार भूमिका साकारत चाहत्यांचं मनोरंजन केलं आहे. पण ‘गजनी’ फेम अभिनेते अचानक चाहत्यांना रडवून गेले. त्यांच्या निधनानंतर अनेकांनी सोशल मीडियाच्या माध्यमातून त्यांनी श्रद्धांजली वाहिली… प्रदीप रावत यांच्या प्रकृतीबद्दल समोर आलेल्या माहितीनुसार, गेल्या काही महिन्यांपासून ते कॅन्सरचा सामना करत होते. ज्यामुळे त्यांना रुग्णालयात दाखल देखील करण्यात आलं होतं. गेल्या 1 महिन्यापासून त्यांच्यावर उपचार सुरु होते.
पण रुग्णालयात उपचार सुरु असताना मंगळवारी प्रदीप रावत यांनी अखेरचा श्वास घेतला. प्रदीप रावत यांनी त्यांच्या पाठी कुटुंबियांसाठी मोठी प्रॉपर्टी सोडली आहे. चार दशकांहून अधिक काळ चाललेल्या आपल्या उल्लेखनीय कारकिर्दीत, प्रदीप रावत यांनी अनेक भाषांमधील सिनेमे आणि टीव्ही मालिकांमध्ये काम केलं.
समोर येत असलेल्या माहितीनुसार, निधनाच्या वेळी प्रदीप रावत यांची एकूण संपत्ती अंदाजे 5 दशलक्ष डॉलर्स इतकी होती. बॉलीवूड आणि दक्षिण भारतीय चित्रपटसृष्टीतील अनेक सुपरहिट सिनेमांममध्ये मुख्य खलनायकाची भूमिका साकारून त्यांनी ही संपत्ती कमावली होती. त्यांच्या पश्चात त्यांनी पत्नी आणि एक मुलगा आहे.
‘महाभारत’ मुळे मिळली ओळख…
प्रदीप रावत यांनी त्यांच्या करियरची सुरुवात टीव्ही विश्वातून केली. बी. आर. चोप्रा यांच्या आयकॉनिक ‘महाभारत’ मालिकेत त्यांनी ‘अश्वत्थामा’ ही भू्मिका साकारत चाहत्चांचं मनोरंजन केली. ज्यामुळे प्रदीप घराघरात पोहोचले. टीव्ही विश्वात नाव मोठं केल्यानंतर त्यांनी सिनेमांमध्ये पदार्पण केलं आणि मोठ्या पडद्यावर देखील एकापेक्षा एक भूमिका साकारल्या. त्यानतंर त्यांनी कधीच मागे वळून पाहिलं नाही.
या सिनेमांमधून रचला इतिहास
अभिनेता आमिर खानची मुख्य भूमिका असलेल्या आणि ऑस्करसाठी नामांकन मिळालेल्या ‘लगान’ (Lagaan) या सिनेमात त्यांनी ‘देवा’ ही भूमिका साकारली. त्यानंतर, आमिर खानच्या ‘गजनी’ (Ghajini) या ब्लॉकबस्टर सिनेमात त्यांनी ‘गजनी धर्मात्मा’ हा क्रूर मुख्य खलनायक साकारला; या भूमिकेमुळे त्यांच्या कारकिर्दीला नवी उंची मिळाली. याव्यतिरिक्त, त्यांनी अनेक हिंदी सिनेमांमध्ये तसेच दाक्षिणात्य चित्रपटसृष्टीतही काम केलं आहे.
Leave a Reply