मुंबईत एकीकडे बॉलिवूड इंडस्ट्रीतील कपूर घराण्याची लेक अंशुला कपूरच्या शाही लग्नसोहळ्याची चर्चा आहे. तर दुसरीकडे जोधपूरच्या उमेद भवन पॅलेसमध्ये 'तारक मेहता का उल्टा चष्मा' फेम शैलेश लोढा यांच्या मुलीचा थाटामाटात विवाहसोहळा पार पडला. यानिमित्ताने शैलेश यांचं कुटुंब चर्चेत आलं आहे.
स्वराच्या लग्नसोहळ्यानिमित्त शैलेश यांच्या कुटुंबीयांचे फोटो सोशल मीडियावर चाहत्यांना पहायला मिळाले. मालिकेत अंजली ही त्यांची पत्नी दाखवण्यात आली, तर खऱ्या आयुष्यात त्यांच्या पत्नीचं नाव स्वाती आहे. शैलेश यांची पत्नी काय करते, याविषयीही नेटकरी गुगलवर सर्च करत आहेत.
शैलेश यांच्याप्रमाणे त्यांची पत्नी स्वाती लोढा या अभिनयक्षेत्रात काम करत नाहीत. त्या प्रसिद्ध मॅनेजमेंट एक्सपर्ट, मोटिव्हेशनल स्पीकर आणि लेखिका आहेत. आपल्या दमदार व्यक्तिमत्त्वासाठी त्या ओळखल्या जातात. त्यांनी महिला सक्षमीकरण, पालकत्व, व्यक्तिमत्त्व विकास यांसारख्या विषयांवर पुस्तकं लिहिली आहेत.
शैलेश हे अभिनयविश्वात लोकप्रिय आहेत, तर त्यांची पत्नी स्वाती या कॉर्पोरेट आणि शिक्षण क्षेत्रात प्रसिद्ध आहेत. त्या लाइफ लेमनेड नावाच्या संस्थेच्या संस्थापकसुद्धा आहेत. ही संस्था नेतृत्त्व, पालकत्त्व आणि प्रेरणेशी संबंधित प्रोफेशनल ट्रेनिंग आणि कोचिंगची सेवा देते. याशिवाय त्या 'ULTA School' नावाचं एक प्ले स्कूलसुद्धा चालवतात.
स्वाती लोढा यांनी पीएचडी केली आहे. त्या मुंबई एज्युकेशनल ट्रस्टच्या संचालकसुद्धा आहेत. त्यांनी 'गेट सेट गो', 'व्हाय वुमन आर हू दे आर', 'डोन्ट रेज युअर किड्स, रेज युअरसेल्फ' यांसारखी पुस्तकं लिहिली आहेत. शैलेश लोढा आणि स्वाती यांनी मिळून सेल्फ हेल्पवरही पुस्तक लिहिलं आहे. एकंदरीत पाहिलं तर दोघंही त्यांच्या त्यांच्या क्षेत्रात मास्टर आहेत.
Leave a Reply