प्रेक्षकांमध्ये सध्या विनोदी चित्रपटांची मोठी क्रेझ पाहायला मिळत आहे. अशाच लोकप्रिय कॉमेडी चित्रपटांपैकी 1998 मध्ये प्रदर्शित झालेला 'दूल्हे राजा' आजही प्रेक्षकांच्या आवडीचा चित्रपट मानला जातो. या चित्रपटाने त्याच वर्षी प्रदर्शित झालेल्या 'कुछ कुछ होता है' या सुपरहिट चित्रपटालाही टक्कर दिली होती.
या चित्रपटात गोविंदा, रवीना टंडन, कादर खान आणि जॉनी लिव्हर यांच्या प्रमुख भूमिका होत्या. गोविंदा आणि कादर खान यांची धमाल कॉमेडी, तसेच चित्रपटातील विनोदी प्रसंगांनी प्रेक्षकांना खळखळून हसवले.
‘दुल्हे राजा’चे गाणेही त्या काळात प्रचंड लोकप्रिय झाले होते. चित्रपट प्रदर्शित होण्यापूर्वीच त्यातील गाणी रेडिओवर गाजू लागली होती. सिनेमागृहांमध्येही प्रेक्षक या गाण्यांवर उत्साहाने नाचत असल्याचे वितरकांनी सांगितले होते.
चित्रपटाची कथा एका श्रीमंत उद्योगपतीच्या हट्टी मुलीभोवती फिरते. रवीना टंडनने साकारलेली ही भूमिका आणि गोविंदासोबतची तिची केमिस्ट्री प्रेक्षकांना विशेष भावली. त्यामुळे हा चित्रपट कौटुंबिक मनोरंजनाचा उत्कृष्ट नमुना ठरला.
सुमारे 5 कोटी रुपयांच्या बजेटमध्ये बनलेल्या या चित्रपटाने जगभरात अंदाजे 21.45 कोटी रुपयांची कमाई केली आणि मोठा बॉक्स ऑफिस हिट ठरला. हा चित्रपट सध्या यूट्यूबवर मोफत पाहता येतो. तसेच Amazon Prime Video वरही उपलब्ध आहे.
Leave a Reply