अभिजीत दिपके यांच्या नेतृत्वाखालील कॉकरोच जनता पार्टीला दिल्लीतील जंतर-मंतरवरील आंदोलनात यश मिळाले होते. यानंतर आता कॉकरोच जनता पार्टीने देशभरात संघटन विस्तार करण्याची घोषणा केली आहे. पक्षाने अधिकृतपणे राष्ट्रीय कार्यकारिणीतील पदाधिकाऱ्यांची नावे जाहीर केली आहे. पुढील सहा महिन्यांत राज्यस्तरीय समन्वय समित्या आणि लोकसभा मतदारसंघ स्तरावरील समित्या स्थापन करण्यात येणार असल्याचे स्पष्ट केले आहे. आज जाहीर करण्यात आलेल्या नावांव्यतिरिक्त इतर कोणालाही अद्याप पदाधिकारी म्हणून नियुक्त करण्यात आलेले नाही अशीही माहिती पार्टीच्या वतीने देण्यात आली आहे.
CJP राष्ट्रीय कार्यकारिणी
- संस्थापक आणि राष्ट्रीय संयोजक : अभिजीत दीपके
- सहसंयोजक : आशुतोष रांका आणि सौरव दास
- राष्ट्रीय संघटन प्रभारी : अजिंक्य शिंदे
- संघटन सहप्रभारी : दीपक बालियान
- राष्ट्रीय सचिव : आफरीन नवाज
- मीडिया प्रमुख : विजय रेड्डी मल्लांगी (वय 30 वर्षे)
- कायदेशीर प्रकरणांचे प्रमुख : रत्ना सिंह
- रिसर्च अँड पॉलिसी प्रमुख : वैष्णवी गौड
- तंत्रज्ञान प्रमुख : रोहन देशपांडे
- वित्त प्रमुख : योगेश इंगळे
CJP चे विभागीय प्रभारी
- उत्तर विभाग : दीपक बालियान
- दक्षिण विभाग : विजय रेड्डी मल्लांगी
- पूर्व आणि ईशान्य विभाग : अंकित भारद्वाज (वय 35 वर्षे)
- पश्चिम विभाग : योगेश इंगळे
कोअर कमिटीवरून वाद
छत्रपती संभाजीनगर येथे CJP च्या कोअर कमिटीच्या स्थापनेवरून वाद निर्माण झाला आहे. अभिजीत दीपके यांच्या निवासस्थानाबाहेर काही युवकांनी आंदोलन करत पक्षात घराणेशाही आणि पक्षपात होत असल्याचा आरोप केला. आंदोलनकर्त्यांनी जंतर-मंतर विद्यार्थी आंदोलनाशी संबंधित सर्व समन्वयकांना पक्षात प्रतिनिधित्व देण्याची मागणी केली. आंदोलनकांनी असा आरोपही केला की, अलीकडे झालेल्या कोअर कमिटीच्या बैठकीसाठी फक्त अभिजीत दीपके यांच्या निकटवर्तीयांनाच बोलावण्यात आले, तर आंदोलनात महत्त्वाची भूमिका बजावणाऱ्या अनेक कार्यकर्त्यांकडे दुर्लक्ष करण्यात आले.
आंदोलकाच्या म्हणण्यानुसार, हे आंदोलन एका व्यक्तीचे नसून देशभरातील युवकांचे आंदोलन होते. जंतर-मंतर आंदोलनात सुमारे 450 समन्वयक सहभागी होते, मात्र त्यांना बैठकीत स्थान देण्यात आले नाही. युवकांनी असा आरोपही केला की, पक्षाचे प्रवक्ते आशुतोष रांका यांच्याशी रात्री उशिरापर्यंत बैठक आणि आंदोलनासंदर्भात चर्चा झाली, मात्र त्यांनी कोणतेही स्पष्ट उत्तर दिले नाही.
Leave a Reply