हिंदी चित्रपटसृष्टी ही जगभरात सर्वाधिक चित्रपट निर्मितीसाठी ओळखली जाते. मात्र, या इंडस्ट्रीमध्ये काही असे चित्रपटही तयार झाले आहेत, जे वादग्रस्त विषय आणि इंटीमेट सीनमुळे कधीच थिएटरमध्ये प्रदर्शित होऊ शकले नाहीत. अशा चित्रपटांनी मोठी चर्चा निर्माण केली असून काहींना सेन्सॉर बोर्डाकडून बंदी घालण्यात आली.
सर्वप्रथम बोलायचे झाल्यास 'अनफ्रीडम' या चित्रपटाचे नाव घेतले जाते. 2014 साली बनलेला हा चित्रपट आजही भारतात बॅन आहे. समलैंगिकतेवर आधारित या चित्रपटात दोन मुलींच्या प्रेमकथेचे चित्रण करण्यात आले आहे. चित्रपटातील काही इंटिमेट दृश्यांमुळे सेन्सॉर बोर्डाने यावर बंदी घातली. मात्र, प्रेक्षकांना हा चित्रपट Netflix वर पाहता येतो.
यानंतर 'एंग्री इंडियन गॉडेस' या चित्रपटाचाही उल्लेख करावा लागेल. या चित्रपटाचा ट्रेलर रिलीज होताच त्याला विरोध सुरू झाला. सेन्सॉर बोर्डाने अनेक दृश्यांवर आक्षेप घेत कट करण्याचे आदेश दिले. यानंतर निर्मात्यांनी चित्रपट थिएटरमध्ये प्रदर्शित न करण्याचा निर्णय घेतला. हा चित्रपटही ओटीटी प्लॅटफॉर्मवर उपलब्ध आहे.
तसेच LOEV हा चित्रपटही वादाच्या भोवऱ्यात सापडला होता. या चित्रपटात दोन मुलांमधील प्रेमसंबंध दाखवण्यात आले आहेत. समलैंगिकतेवर आधारित आणि काही संवेदनशील दृश्यांमुळे हा चित्रपट कुटुंबासोबत पाहण्यास योग्य मानला गेला नाही. त्यामुळे त्यालाही थिएटरमध्ये प्रदर्शित करता आले नाही आणि नंतर Netflix वर स्ट्रीम करण्यात आला.
याशिवाय प्रसिद्ध दिग्दर्शक अनुराग कश्यप यांचा Paanch हा चित्रपटही बॅन करण्यात आला होता. 2003 साली तयार झालेल्या या चित्रपटात हिंसा आणि वादग्रस्त विषयांमुळे सेन्सॉर बोर्डाने त्यावर आक्षेप घेतला. आज हा चित्रपट Netflix, Amazon Prime Video आणि Hotstar सारख्या ओटीटी प्लॅटफॉर्मवर उपलब्ध आहे.
Leave a Reply