बॉलिवूड चित्रपटांमध्ये रोमँटिक आणि इंटिमेट सीन ही आता सामान्य बाब झाली असली, तरी अशा सीनच्या चित्रीकरणावेळी घडलेल्या काही घटनांची चर्चा अनेकदा रंगत असते. 2016 मध्ये प्रदर्शित झालेल्या 'अझर' या चित्रपटाच्या सेटवरील एक किस्सा सध्या पुन्हा चर्चेत आला आहे.
या चित्रपटात इमरान हाशमी आणि नर्गिस फखरी यांनी प्रमुख भूमिका साकारल्या होत्या. दोघांमधील एका किसिंग सीनची त्यावेळीही बरीच चर्चा झाली होती. अलीकडेच एका पॉडकास्टमध्ये सहभागी झालेल्या एका पत्रकाराने या सीनबाबत मोठा दावा केला.
त्यांच्या म्हणण्यानुसार, इमरान आणि नरगिस यांच्यातील किसिंग सीनचे चित्रीकरण सुरू असताना वारंवार रीटेक घेतले जात होते. त्यामुळे नरगिस फाखरी गोंधळल्या होत्या आणि नेमके किती रीटेक द्यावे लागणार, याबाबत त्या संभ्रमात पडल्या होत्या.
पत्रकाराच्या दाव्यानुसार, सेटवरील अनेक जण या परिस्थितीचा आनंद घेत होते. त्यामुळे नरगिस यांना आपण सीन व्यवस्थित करत नाही का, अशी शंका आली. नंतर त्यांना वाटले की, सेटवरील लोक त्यांच्यासोबत गंमत करत आहेत.
याच दरम्यान अंतिम शूट पूर्ण झाल्यानंतर नरगिस यांनी इमरान हाशमीला स्वतःकडे ओढून जोरदार किस केल्याचा दावा पत्रकाराने केला आहे. त्यांच्या म्हणण्यानुसार, हा किस इतका तीव्र होता की इमरान हाशमीला काही क्षण श्वास घेण्यासही त्रास झाला होता. मात्र, हा दावा संबंधित पत्रकाराने पॉडकास्टमध्ये केलेला असून, त्याबाबत कोणतीही अधिकृत पुष्टी झालेली नाही. त्यामुळे या घटनेकडे केवळ चर्चेत असलेल्या दाव्याच्या स्वरूपातच पाहिले जात आहे.
Leave a Reply