नवीन असेल तेव्हा फर्निचर फार चांगलं दिसतं. पण त्याचा वापर सुरु केल्यानंतर अनेक समस्या समोर येतात. फर्निचरला सतत धूळ लागले, जी साफ करणं देखील कठीण होतं. कारण सतत फर्निचर साफ करणं शक्य नसतं… अशात किचनमधील फर्निचन साफ करणं सर्वात कठीण असतं. सांगायचं झालं तर, किचनमधील ड्रॉवर हे सर्वात जास्त वापरल्या जाणाऱ्या आणि सर्वात घाणेरड्या वस्तूंपैकी एक आहेत. विशेषतः लाकडी ड्रॉवरमध्ये अन्नाचे कण, तेलाचे डाग, ओलावा आणि धूळ सहजपणे जमा होतात.
वेळेवर साफसफाई न केल्यास, दुर्गंधी, बुरशी आणि फर्निचरचं नुकसान यांसारख्या समस्या देखील उद्भवू शकतात. या समस्येवर एक सोपा, स्वस्त आणि प्रभावी उपाय म्हणून ॲल्युमिनियम फॉइलचा वापर केला जातो. अनेक लोक किचनमधील ड्रॉवर स्वच्छ करण्यासाठी त्यात ॲल्युमिनियम फॉइल गुंडाळून ठेवतात.
ड्रॉवरला ॲल्युमिनियम फॉइल लावण्याचे फायदे काय आहेत? जाणून घ्या
ॲल्युमिनियम फॉइल एका संरक्षक थराप्रमाणे काम करतं. फर्निचरला ॲल्युमिनियम फॉईल लावल्यामुळे घाण थेट लाकडी पृष्ठभागाला चिकटत नाही आणि स्वच्छता करणं सोपं होतं. त्याचप्रमाणे, ते लाकडात ओलावा शिरण्यापासून रोखते, ज्यामुळे फर्निचर फुगण्याची किंवा त्याला बुरशी लागण्याची शक्यता कमी होते. हे विशेषतः किचनमध्ये उपयुक्त ठरू शकतं, जिथे सतत ओलावा आणि तेलाचा संपर्क येतो.
ॲल्युमिनियम फॉइल कशी लावावी? सर्वप्रथम, ड्रॉवर पूर्णपणे रिकामा करा. आतील धूळ आणि घाण स्वच्छ करा आणि ते पूर्णपणे कोरडे होऊ द्या. त्यानंतर ड्रॉवरच्या आकारानुसार ॲल्युमिनियम फॉइल कापा. फॉइलची चकचकीत बाजू वर करून ती ड्रॉवरमध्ये ठेवा. ती सपाट करण्यासाठी हळूवारपणे दाबा, जेणेकरून हवेचे बुडबुडे राहणार नाहीत. त्यानंतर, ड्रॉवरमध्ये आवश्यक वस्तूंची पुन्हा मांडणी करता येईल.
ते किती वेळा बदलावे? ड्रॉवरच्या वापराप्रमाणे आणि घाणीनुसार फॉइल बदलली पाहिजे. साधारणपणे महिन्यातून एकदा नवीन फॉइल लावण्याचा सल्ला दिला जातो. ही छोटी आणि सोपी युक्ती किचनमधील ड्रॉवर दीर्घकाळ स्वच्छ, दुर्गंधीमुक्त आणि सुरक्षित ठेवण्यास मदत करू शकते.
Leave a Reply