चित्रपट आणि टीव्हीच्या दुनियेत असे अनेक किस्से आहेत, जे काळानुसार जर असं झालं असतं तर… असे प्रश्न निर्माण करतात. असाच एक रंजक किस्सा लोकप्रिय कॉमेडी शो कपिल शर्माच्या शोबाबत.
या शोमधील सर्वात चर्चेत असणारा कॉमेडियन म्हणजे अभिनेता अली असगर. अली असगरने आपल्या करिअरची सुरुवात टीव्ही मालिकांपासून केली होती. त्याने अनेक लोकप्रिय मालिकांमध्ये काम केले.
मात्र, त्याला खरी लोकप्रियता मिळाली ती Comedy Nights with Kapil या शोमधील ‘दादी’ या भूमिकेमुळे. ‘दादी’ या भूमिकेत अली असगरने आपल्या विनोदी शैली, हावभाव आणि टायमिंगच्या जोरावर प्रेक्षकांना अक्षरशः खळखळून हसवले.
ही भूमिका इतकी गाजली की लोक त्याला त्याच्या नावापेक्षा ‘दादी’ म्हणूनच अधिक ओळखू लागले. सुरुवातीला मात्र त्याने ही भूमिका करण्यास नकार दिला होता. पण कपिल शर्माने समजावून सांगितल्यानंतर त्याने ती स्वीकारली आणि याच निर्णयाने त्याच्या आयुष्याला मोठा टर्निंग पॉइंट मिळाला.
अली असगरने एका मुलाखतीत सांगितले होते की, स्क्रीनवर स्त्री भूमिका साकारल्यामुळे त्याच्या मुलांना शाळेत काही वेळा चिडवले गेले. लोक प्रश्न विचारत आणि त्यामुळे मुलांना अवघडल्यासारखे वाटत असे. मात्र, पुढे हीच भूमिका त्याच्या कारकिर्दीतील सर्वात मोठी ताकद ठरली आणि त्याला प्रेक्षकांचे प्रचंड प्रेम मिळाले.
Leave a Reply