सध्या ओटीटीवर आणि सोशल मीडियावर एकाच वेब सीरिजची जोरदार आहे. फक्त सहा एपिसोड्सची ही सीरिज नेटफ्लिक्स या ओटीटी प्लॅटफॉर्मवर पहिल्या क्रमांकावर ट्रेंड होत आहे. याची कथा, कलाकारांचं अभिनय आणि दृश्ये इतकी दमदार आहेत की एकाच वेळी तुम्ही सहा एपिसोड्स 'बिंच वॉच' करून पूर्ण कराल.
ट्रेंडिंगमध्ये असलेल्या या वेब सीरिजचं नाव आहे 'ऑपरेशन सफेद सागर'. या सीरिजमध्ये कारगिल युद्धाचा दुर्लक्षित पैलू उलगडण्याच आला आहे. भारतीय हवाई दलाची कहाणी यात सांगण्यात आली आहे. ओनी सेन दिग्दर्शित ही सीरिज फक्त रोमांचकच नाही तर भावनिकदृष्ट्याही मनाला स्पर्श करणारी आहे.
या सीरिजची कथा जरी देशभक्तीपर असली तरी त्यात कोणताही दिखावा किंवा अतिशोक्ती नाही. 'ऑपरेशन सफेद सागर' पाहताना हृदय अभिमानाने भरून येतं आणि डोळ्यात अश्रू तरळतात. या सीरिजची कथा 1999 च्या कारगिल संघर्षादरम्यान भारतीय हवाई दलाने राबवलेल्या 'ऑपरेशन सफेद सागर' या मोहिमेवर आधारित आहे.
या सीरिजची सर्वांत मोठी ताकद म्हणजे, यात युद्धाला केवळ एक लढाई म्हणून चित्रित करण्यात आलेलं नाही, तर वैमानिकांचं वैयक्तिक आयुष्य, त्यांच्या कुटुंबीयांची चिंता, प्रशिक्षणातील गमतीशीर आणि गंभीर क्षण यांचंही सुंदर मिश्रण यात पहायला मिळतं.
यामध्ये अभिनेता सिद्धार्थने स्क्वाड्रन लीडर अजय अहुजा यांची भूमिका साकारली आहे. त्यांची शिस्त, नेतृत्वगुण भूमिकेतून स्पष्टपणे दिसून येतं. तर जिमी शेरगिलने विंग कमांडर टोनी धनोआ यांची भूमिका साकारली आहे. अभय वर्मा, मिहिर अहुजा, तारुक रैना आणि अर्णब भासिन यांनीसुद्धा दमदार काम केलं आहे.
Leave a Reply