प्रसिद्ध गायक आणि संगीतकार अवधूत गुप्ते यांनी ठाण्यातील मानाच्या दहीहंडी सोहळ्याचे कौतुक करताना मराठी माणसाच्या एकजुटीचे महत्त्व अधोरेखित केले. गुप्ते यांनी स्वतःला गोविंदा संबोधत, ते दरवर्षी या उत्सवात सहभागी होत असल्याचे सांगितले. गुप्ते यांच्या मते, दहीहंडी हा सण एकमेकांचे पाय खेचतो या टीकेला उत्तर देणारा आहे. मराठी माणूस एकमेकांना खांद्यावर घेऊन वर चढवणारा असतो, हे हा सण दाखवतो, असे ते म्हणाले.
दिघेसाहेबांनी सुरू केलेली ठाण्याची ही दहीहंडी महाराष्ट्रातील सर्वात मोठी आणि शिस्तबद्ध असून, याच्या यशस्वी आयोजनाचे श्रेय शिंदेसाहेब आणि सचिन जोशी यांना दिले. दहीहंडीच्या इतिहासात नऊ आणि दहा थरांच्या विक्रमांचे साक्षीदार असलेले गुप्ते यांनी आता महाराष्ट्रात अकरा थरांचा विक्रम व्हावा अशी अपेक्षा व्यक्त केली. हा सण केवळ मनोरंजनापुरता मर्यादित नसून, मराठी संस्कृतीतील सामंजस्य, सहकार्य आणि सामूहिक प्रयत्न दर्शवणारा एक महत्त्वाचा उत्सव असल्याचे अवधूत गुप्ते यांनी स्पष्ट केले.
Leave a Reply