भारत अफगाणिस्तान यांच्यात 6 जूनपासून कसोटी सामना सुरू होणार आहे. हा सामना वर्ल्ड टेस्ट चॅम्पियनशिपचा भाग नाही. पण भारताच्या पुढच्या प्रवासासाठी खूप महत्त्वाचा आहे. त्यात ऋषभ पंतसाठी एक मैलाचा दगड ठरणार आहे. त्याच्या कारकिर्दीतील 50वा कसोटी सामना असेल. (Photo: BCCI)
अफगाणिस्तानविरुद्धचा कसोटी सामना खेळण्यापूर्वीच ऋषभ पंत सुपरस्टार ठरला आहे. 2018 मध्ये कसोटी कारकिर्दीला सुरूवात केली होती. तेव्हापासून आतापर्यंत त्याने फलंदाजीत आपलं एक वेगळं स्थान निर्माण केलं आहे. इतकंच यष्टीरक्षकांमध्येही स्वतःची एक वेगळी ओळख निर्माण करत असल्याचे दिसते. (Photo: BCCI)
ऋषभ पंतने ऑगस्ट 2018 पासून भारतीय संघ पदार्पण केल्यापासून या फॉर्मेटमध्ये सर्वाधिक धावा करणारा भारतीय खेळाडू ठरला आहे. त्याने आतापर्यंत 49 कसोटी सामने खेळले असून 86 डावात 3476 धावा केल्या आहेत. (Photo: BCCI)
विराट कोहलीने याच कालावधीत 55 कसोटी सामन्यातील 94 डावात 3436 धावा केल्या आहे. म्हणजेच पंत त्याच्या पुढे निघून गेला आहे. त्यात विराट कोहली कसोटीतून निवृत्त झाला आहे. दुसरीकडे, रवींद्र जडेजा तिसऱ्या स्थानावर असून 53 सामन्यातील 80 डावात 2899 धावा केल्या आहेत. (Photo: Getty)
ऋषभ पंतसाठी अफगाणिस्तानविरुद्धचा कसोटी सामना हा केवळ त्याच्या कारकिर्दीतील 50 वा सामनाच नाही, तर पुन्हा एकदा फॉर्मात येण्याची संधी आहे. आयपीएल स्पर्धेत निराशाजनक कामगिरीनंतर त्याला आपल्या दम दाखवण्याची संधी आहे. दरम्यान, अफगाणिस्तानविरुद्धच्या कसोटी सामन्यापूर्वी त्याचं उपकर्णधारपद काढून केएल राहुलकडे दिलं आहे. (Photo: PTI)
Leave a Reply