काही चित्रपटातील गाणी प्रदर्शित होताच प्रेक्षकांच्या मनावर अधिराज्य गाजवतात आणि अनेक वर्षांनंतरही त्यांची लोकप्रियता कायम राहते. 2016 मध्ये प्रदर्शित झालेले ‘द ब्रेकअप सॉन्ग’ हे असेच एक गाणे असून आजही ते ‘नॅशनल ब्रेकअप अँथम’ म्हणून ओळखले जाते.
विशेष म्हणजे हे गाणे ऐकताना दुःखापेक्षा उत्साह आणि नाचण्याची इच्छा अधिक होते, त्यामुळे आजही ते पार्टी, लग्नसमारंभ आणि डान्स कार्यक्रमांमध्ये हमखास वाजवले जाते.
The Breakup Song हे गाणे अरिजीत सिंह, बादशाह, जोनिता गांधी आणि नकश अज़ीज़ यांनी गायले आहे.वेगळ्या संकल्पनेमुळे आणि दमदार सादरीकरणामुळे हे गाणे त्या वर्षातील सर्वात मोठ्या हिट गाण्यांपैकी एक ठरले.
हे गाणे 'ए दिल है मुश्किल' या चित्रपटातील असून त्यात रणबीर कपूर आणि अनुष्का शर्मा यांची धमाल केमिस्ट्री पाहायला मिळते. तसेच लिसा हेडन यांची छोटी भूमिका आणि आलिया भट्ट यांचा कॅमिओही या गाण्याचे खास आकर्षण ठरला.
लोकप्रियतेच्या बाबतीतही या गाण्याने विक्रम केले आहेत. जानेवारी 2017 मध्ये यूट्यूबवर 10 कोटी व्ह्यूजचा टप्पा पार करणारे हे गाणे आता 53 कोटींहून अधिक वेळा पाहिले गेले आहे. त्यामुळे हे केवळ त्या काळातील सुपरहिट गाणे नसून आजही कायम लोकप्रिय असलेले गाणं आहे.
Leave a Reply