भारताचा माजी क्रिकेटपटू सचिन तेंडुलकरची मुलगी सारा तेंडुलकर सोशल मीडियावर नेहमीच चर्चेत असते. विविध कार्यक्रमांमधील तिचा स्टायलिश अंदाज चाहत्यांचे लक्ष वेधून घेत असतो. आता पुन्हा एकदा सारा तिच्या रॉयल साडी लुकमुळे चर्चेत आली आहे.
साराने नुकतेच सोशल मीडियावर काही फोटो शेअर केले असून, त्यामध्ये तिचा पारंपरिक आणि आधुनिक स्टाइलचा सुंदर मिलाफ पाहायला मिळत आहे. साराने पेस्टल ग्रीन बनारसी साडी नेसली असून, या लूकमध्ये ती अतिशय एलिगंट आणि रॉयल दिसत आहे.
साराने ऑफ-व्हाइट प्युअर सॅटिन सिल्क आणि ऑर्गेंजा सिल्कपासून तयार केलेला कॉर्सेट-स्टाइल ब्लाउज परिधान केला आहे. हा ब्लाउज तिने पेस्टल ग्रीन कथ्थन सिल्क बनारसी हँडलूम साडीसोबत परिधान केला आहे. साडी आणि ब्लाउजची डिझाइन Tilfi यांनी केली आहे.
आपला लूक अधिक खास करण्यासाठी साराने डायमंडचे स्टेटमेंट नेकलेस आणि मॅचिंग कफ ब्रेसलेट परिधान केले आहे. या दागिन्यांमुळे तिच्या पारंपरिक साडी लुकला आणखी रॉयल टच मिळाला आहे.
साराने आपल्या लूकसाठी अतिशय साधा आणि एलिगंट मेकअप केला आहे. तिने केसांचा लो बन बांधला असून, पुढील बाजूस काही बटा मोकळ्या सोडल्या आहेत. त्यामुळे तिच्या लूकला सॉफ्ट आणि ग्लॅमरस टच मिळाला आहे. हातातील फुलांचा सुंदर गुच्छ तिच्या या लूकमध्ये आणखी भर घालताना दिसत आहे.
Leave a Reply