आयपीएल स्पर्धेच्या दहा पर्वात विराट कोहलीचा विक्रम, पुन्हा एकदा तसाच कारनामा करण्यास सज्ज

आयपीएल 2026 स्पर्धेच विराट कोहलीची बॅट चांगली तळपली आहे. विराट कोहली पुन्हा एकदा एक विक्रम रचण्याच्या वेशीवर येऊन थांबला आहे. यापूर्वी 10वेळा त्याने असा विक्रम रचला आहे. असं असूनही त्याची धावांची भूक काही थांबलेली नाही. (Photo: IPL/BCCI)

आयपीएल स्पर्धेत विराट कोहली एकमेव फलंदाज असा आहे की त्याने 10वेळा म्हणजेच दहा पर्वात 400हून अधिक धावा केल्या आहेत. म्हणजेच 19 पर्वापैकी 10 पर्वात त्याने ही कामगिरी केली आहे. आता 11व्यांदा अशी कामगिरी करण्यास सज्ज झाला आहे. (Photo: IPL/BCCI)

आयपीएल स्पर्धेत 400 धावा करण्याच्या वेशीपासून विराट कोहली 72 धावा दूर आहे. दिल्लीच्या अरूण जेटली स्टेडियममध्येच विराट कोहली हा टप्पा गाठण्याची शक्यता आहे. आयपीएल 2026 स्पर्धेतील आरसीबीचा पुढचा सामना दिल्ली कॅपिटल्सशी होणार आहे. (Photo: IPL/BCCI)

आयपीएल स्पर्धेत शिखर धवन, सुरेश रैना आणि डेविड वॉर्नर यांनी नऊ वेळा 400 पार धावा केल्या आहेत. आता विराट कोहली या तिघांच्या पुढे निघून गेला आहे. विशेष म्हणजे हे तिघंही निवृत्त झाले आहेत. (Photo: IPL/BCCI)

विराट कोहली ऑरेंज कॅपच्या शर्यतीतही आहे. प्रत्येक सामन्यात धावा केल्यानंतर त्याच्या डोक्यावर कॅप दिसते. विराट कोहलीने सात सामन्यात तीन अर्धशतकाच्या जोरावर 328 धावा केल्या आहेत. (Photo: IPL/BCCI)