आयपीएल स्पर्धेच्या इतिहासात महेंद्रसिंह धोनीचा दबदबा पाहायला मिळाला आहे. त्याच्या नेतृत्वात चेन्नई सुपर किंग्सने पाचवेळा जेतेपदाला गवसणी घातली आहे. त्यामुळे चेन्नई सुपर किंग्स आणि महेंद्रसिंह धोनी एक नातं तयार झाला आहे. या शिवाय ही फ्रेंचायझी पूर्णच होऊ शकत नाही. पण असं असताना यंदाच्या पर्वात महेंद्रसिंह धोनी एकही सामना खेळला नाही. या पर्वात महेंद्रसिंह धोनी चेन्नईच्या होमग्राउंड उतरला पण फक्त चाहत्यांचं अभिवादन करण्यासाठी… आता महेंद्रसिंह धोनी चेन्नई सुपर किंग्सपासून फारकत घेण्याची शक्यता आहे. गेल्या काही दिवसांपासून असलेलं नातं तुटण्याची शक्यता वर्तवली जात आहे. महेंद्रसिंह धोनी आणि चेन्नई सुपर किंग्सबाबत एक आश्चर्यकारक दावा केला आहे.
महेंद्रसिंह धोनी आता नव्या संघासाठी खेळणार
क्रिकब्लॉगरच्या रिपोर्टनुसार, महेंद्रसिंह धोनी येणाऱ्या पर्वात चेन्नई सुपर किंग्ससोबत नसेल, असं बोललं जात आहे. यंदाच्या पर्वातही त्याच्या निवृत्तीच्या बातम्यांचं पेव फुटलं पण त्याबाबत अधिकृत असं काहीच समोर आलं नाही. त्यामुळे पुढच्या पर्वातही खेळेल असं बोललं जात आहे. पण दुसऱ्या फ्रेंचायझीकडून मैदानात उतरू शकतो. आयपीएल 2026 मध्ये फिटनेसच्या कारणामुळे धोनी मैदानापासून लांब होता असं नाही. त्याला काही कारणंही असल्याचा दावा केला जात आहे. आयपीएल 2026 पूर्वी त्याच्या पोटरीला दुखापत झाली होती. पण नंतर संघातील खेळाडूंची रचना आणि भविष्यातील रणनिती प्रमुख कारण ठरेल.
रिपोर्टनुसार, चेन्नई सुपर किंग्सला आता तरूण खेळाडूंसह एक नवा संघ बांधायचा आहे. गेल्या दोन वर्षात वेगवेगळ्या मुद्द्यांवरून संघ व्यवस्थापन आणि धोनी यांच्यात वाद झाले आहेत. खेळाडूंची देवाणघेवाण आणि काही निर्णयावरून धोनी नाराज असल्याचं बोललं जात आहे. त्याच्याशी कोणतीही चर्चा न करता निर्णय घेतल्याचं बोललं जात आहे. त्यामुळे धोनी आणि संघ व्यवस्थापनातील दुरावा वाढला आहे. दरम्यान, महेंद्रसिंह धोनी 2008 पासून चेन्नई सुपर किंग्स संघाचा भाग आहे. दरम्यान फ्रेंचायझीलवर बंदी घातल्याने धोनी दोन पर्वात दुसऱ्या संघाकडून खेळला.
Leave a Reply