आधी बांगलादेशी, आणि आता पाकिस्तानी खेळाडूला टीममध्ये आणला, शाहरुख खान पुन्हा वादाच्या भोवऱ्यात

शाहरुख खानच्या संघ, कोलकाता नाईट रायडर्सने, आयपीएल 2026 साठीच्या लिलावात बांगलादेशी वेगवान गोलंदाज मुस्तफिजुर रहमानला संघात घेतले. त्यावेळी बांगलादेशात अल्पसंख्याक हिंदूंवर होणाऱ्या अत्याचारांमुळे मोठा वाद निर्माण झाला होता. यानंतर केकेआरला टीकेला सामोरे जावे लागले आणि संघाने हंगाम सुरू होण्यापूर्वीच त्या बांगलादेशी खेळाडूला करारमुक्त केले. यामुळे शाहरुख खानला अनेक वादांना तोंड द्यावे लागले. आता, शाहरुख खानच्या संघ, नाईट रायडर्सने एका पाकिस्तानी खेळाडूला करारबद्ध केले आहे. यामुळे तो पुन्हा चर्चेत आला आहे. पुन्हा एकदा शाहरुख खानवर टीका होत आहे.

शाहरुख खानची फ्रँचायझी, ट्रिनबागो नाईट रायडर्स, कॅरिबियन प्रीमियर लीगमध्ये खेळते. या फ्रँचायझीने आगामी हंगाम 2026 साठी परदेशी खेळाडूंची यादी जाहीर केली, ज्यात पाकिस्तानी फिरकी गोलंदाज उस्मान तारिकच्या नावाचा समावेश होता, ज्यामुळे संतापाची लाट उसळली. सीपीएलने गुरुवारी म्हणजे 23 जुलै 2026 संघासाठी परदेशी खेळाडूंची यादी जाहीर केली. या यादीत उस्मान तारिकचे नाव चाहत्यांने दिसले. गेल्या हंगामातही ट्रिनबागो नाईट रायडर्सकडून खेळला होता. तो त्या हंगामात दुसरा सर्वाधिक बळी घेणारा गोलंदाज होता. उस्मानने 10 सामन्यांमध्ये 13.95 च्या सरासरीने आणि 7.31 च्या इकॉनॉमी रेटने 20 बळी घेतले. तो संघाचा सर्वाधिक बळी घेणारा गोलंदाज होता. या पाकिस्तानी फिरकीपटूच्या गोलंदाजीने संघाला विजेतेपद मिळवून देण्यात महत्त्वपूर्ण भूमिका बजावली. कॅरिबियन प्रीमियर लीगमध्ये उस्मानचा हा पहिलाच हंगाम होता.

Usman Tariq has been picked by Trinbago Knight Riders for the Caribbean Premier League (CPL) 2026. pic.twitter.com/aJ8Kag9Mez

— Thakur (@hassam_sajjad) July 23, 2026

या स्पर्धेचा आगामी हंगाम 7 ऑगस्ट 2026 रोजी सुरू होत आहे. नाईट रायडर्स 8 जुलै रोजी या हंगामातील आपल्या मोहिमेला सुरुवात करतील. या हंगामात संघ कशी कामगिरी करतो हे पाहणे उत्सुकतेचे ठरेल. उस्मान पाकिस्तानसाठी टी-20 आंतरराष्ट्रीय क्रिकेट खेळतो. तो 2026 च्या टी-20 विश्वचषकात पाकिस्तानकडून खेळला होता. विश्वचषकाच्या पाच सामन्यांमध्ये त्याने 14.10 च्या सरासरीने 10 बळी घेतले. त्याने आतापर्यंत आपल्या आंतरराष्ट्रीय कारकिर्दीत नऊ टी-20 सामने खेळले आहेत. आठ डावांमध्ये गोलंदाजी करताना त्याने 11.16 च्या सरासरीने 18 बळी घेतले आणि 6.66 च्या इकॉनॉमी रेटने धावा दिल्या.