कॉकरोच जनता पार्टीला अगदी कमी कालावधीमध्ये एक वेगळी ओळख मिळाली. अभिजीत दिपके अमेरिकेतून भारतात दाखल झाले आणि मोठे आंदोलन उभे केले. पहिल्या प्रयत्नात त्यांना अपयश मिळाले. पण दुसऱ्या प्रयत्नात त्यांचे आंदोलन देशभरात पोहोचले. जेनझी मोठ्या संख्येने रस्त्यावर उतरले. जंतर मंतरवर विद्यार्थ्यांची संख्या वाढली. शेवटी धर्मेंद्र प्रधान यांच्या राजीनाम्यासह सरकारने कॉकरोच जनता पार्टीच्या दोन मागण्या मान्य केल्या आणि आंदोलन थांबले. अभिजीत दिपके यांच्या कॉकरोच जनता पार्टीला मोठे यश मिळाले. कॉकरोच जनता पार्टी तूफान चर्चेत आली. अभिजीत दिपके यांनी सरकारवर गंभीर आरोप केले. नेपाळ, बांग्लादेश आणि श्रीलंकेत जे घडले तेच भारतात घडवण्याचा डाव होता, असे सांगितले जातंय. त्यावर आता अभिजीत दिपके यांनी प्रतिक्रिया दिली.
अभिजीत दिपके यांनी म्हटले की, आंदोलन करणाऱ्या विद्यार्थ्यांना बांगलादेश आणि नेपाळला बघण्याची अजिबात गरज नाही. पीटीआयला दिलेल्या मुलाखतीमध्ये बोलताना अभिजीत दिपके यांनी बांगलादेशी लेखिका तसलीमा नसरीन यांनी केलेला आरोप खोटा आहे. अभिजीत दिपके याने म्हटले की, बांग्लादेश आणि नेपाळचे नाव घेत आमच्या आंदोलनाला बदनाम केले जातंय.
आम्ही त्यांच्यापेक्षा खूप जास्त वेगळे आहोत. आम्ही दिल्लीत झालेल्या आंदोलनादरम्यान संविधानाचे पालन केले. शांततापूर्ण आमचे आंदोलन होते. मुळात म्हणजे बांगलादेश किंवा नेपाळकडे बघण्याची आम्हाला अजिबात गरज नाही. आमच्याकडे महात्मा गांधी यांचे विचार आहेत. भारतातील विद्यार्थी आक्रमक नव्हते. संयमाने दिल्लीतील आंदोलन सुरू होते.
पुढे अभिजीत दिपके याने म्हटले की,बांगलादेश आणि नेपाळमध्ये झालेल्या आंदोलनाची आठवण त्यांना कदाचित पोलिसांकडून करण्यात आलेल्या वर्तनामुळे झाली असेल. हात पाय तुटले पण त्यांनी शेवटपर्यंत आपल्या संयम सोडला नाही. आम्ही शांतपणे जंतर मंतवर आंदोलन केले. त्यामुळे मुळातच आमच्या आंदोलनाची तुलना नेपाळ आणि बांगलादेशच्या आंदोलनाशी करणे चुकीचे आहे. अभिजीत दिपके यांनी भाजपावर काही आरोप केले. विद्यार्थ्यांचा छळ जंतर मंतरवर करण्यात आल्याचे त्यांनी म्हटले.
Leave a Reply