IPL 2026 मध्ये काल सनरायझर्स हैदराबाद विरुद्ध रॉयल चॅलेंजर्स बंगळुरु सामना झाला. ही मॅच हैदराबादने 55 धावांनी जिंकली. या मॅच नंतर जय-पराजयपेक्षा पण जास्त चर्चा विराट कोहली आणि ट्रेविस हेड यांच्यामधल्या भांडणाची आहे. मैदानावर दोन्ही खेळाडूंमध्ये टशन, वादविवाद पहायला मिळाला. आता दोघांमधली ही लढाई सोशल मीडियावर सुरु झाली आहे. ऑस्ट्रेलियाचा आक्रमक सलामीवीर ट्रेविस हेडची मॅच नंतरची इन्स्टाग्राम पोस्ट सोशल मीडियावर व्हायरल झाली आहे. मॅच संपल्यानंतर काही वेळातच ट्रेविस हेडने त्याच्या इन्स्टाग्राम स्टोरीवर फोटो शेअर केला. हा फोटो गोलंदाजीच्यावेळेचा होता. फोटोच्या खाली लिहिलय की, ‘शरीराला संभ्रमावस्थेत राहू दे’. हेडने इन्स्टाग्रामवर ही स्टोरी पोस्ट करताच युजर्सनी याचा संबंध थेट विराट कोहली वादाशी जोडायला सुरुवात केली आहे. अनेक युजर्सचा दावा आहे की, हेडची ही पोस्ट विराट कोहली सोबत झालेल्या वादाचं उत्तर आहे.
‘शरीराला संभ्रमावस्थेत राहू दे’ ही जी ट्रेविस हेडची पोस्ट आहे ती, फिटनेस आणि जीमशी संबंधित टर्म आहे. शरीराला नवीन आव्हानं देणं हा त्या पोस्टचा अर्थ आहे. म्हणजे एकाच प्रकारची जीवनशैली, वेळापत्रकाची सवय होऊ नये. हेडच्या पोस्टचा संबंध फिटनेस, जीमशी असला, तर नवीन आव्हानं देणं असा सुद्धा त्याचा अर्थ आहे. या मॅचमध्ये हेडने गोलंदाजी करुन विकेट घेतला. त्यानंतर ही पोस्ट चर्चेचा विषय बनली आहे.
‘तू गोलंदाजीला समोर ये, काही बॉल टाक’
इंटरेस्टिंग म्हणजे ट्रेविस हेड गोलंदाजी करत नाही. पण आरसीबी विरुद्ध त्याने चेंडू हातात घेतला व येताच परिणामही दाखवून दिला. हेडने RCB चा कॅप्टन रजत पाटीदारची विकेट काढली आणि फॅन्सला आश्चर्याचा धक्का दिला. मॅच दरम्यान विराट कोहली आणि ट्रेविस हेडमध्ये अनेकदा शाब्दीक वादावादी पहायला मिळाली. आरसीबी धावांचा पाठलाग करत असताना कोहली वारंवार हेडला गोलंदाजीसाठी चिथावणी देत होता. कॉमेंटटर्स नुसार कोहली मस्करीत पण आक्रमक अंदाजात हे सांगत होत. ‘तू गोलंदाजीला समोर ये, काही बॉल टाक’
Travis Head
खरा वाद मॅच संपल्यानंतर सुरु झाला
ट्रेविस हेडने यावरुन विराट कोहलीला उत्तर दिलं की, ‘मी गोलंदाजीला येण्याआधीच तू आऊट झालास’ खरा वाद मॅच संपल्यानंतर सुरु झाला. कोहलीने ट्रेविस हेडशी हस्तांदोलन करणं टाळलं. कोहलीने SRH चा कॅप्टन पॅट कमिन्ससह अन्य खेळाडूंना हात मिळवला. पण हेड सोबत काही इंटरॅक्शन झालं नाही.
Leave a Reply