अमरावती जिल्ह्यातील परतवाडा येथे लैंगिक शोषणाच्या गंभीर रॅकेटचा पर्दाफाश झाला असून या प्रकरणामुळे परिसरात खळबळ उडाली आहे. पोलिसांनी मोहम्मद अयाज मोहम्मद तनवीर या मुख्य आरोपीला अटक केली असून, या प्रकरणामागे मोठे जाळे असल्याचा संशय व्यक्त केला जात आहे. पोलिसांच्या माहितीनुसार, आरोपीने आतापर्यंत किमान सात तरुणींना फसवून त्यांचे लैंगिक शोषण केल्याचे व्हिडिओ पुरावे हाती लागले आहेत. मात्र, प्राथमिक तपासात हा आकडा अधिक मोठा असण्याची शक्यता व्यक्त करण्यात येत असून १८० पेक्षा अधिक तरुणींचे शोषण केल्याचा आरोप आहे.
या प्रकरणातील पीडित तरुणी या परतवाडा, अमरावती आणि नागपूर परिसरातील असल्याचे समोर आले आहे. दरम्यान, आरोपी तनवीर हा MIM पक्षाशी संबंधित कार्यकर्ता असल्याची माहितीही पुढे आली आहे. या प्रकरणात न्यायालयाने आरोपीला २१ तारखेपर्यंत पोलीस कोठडी सुनावली आहे. तसेच, आरोपीने डिलीट केलेला डेटा पुनर्प्राप्त करण्यासाठी सायबर विभागाकडून तपास सुरू असून, पुढील चौकशीत आणखी पीडितांची संख्या वाढण्याची शक्यता पोलिसांनी व्यक्त केली आहे. या घटनेमुळे राज्यात पुन्हा एकदा महिलांच्या सुरक्षिततेचा प्रश्न ऐरणीवर आला आहे.
Leave a Reply