आयफोनसह इतर उत्पादनं तयार करणाऱ्या ॲपल कंपनीचे सीईओ टिम कुक लवकरच पायउतार होणार आहे. पुढील महिन्यापासून जॉन टर्नस हे सीईओ पदी असतील. कुक यांनी या कंपनीत 15 वर्षे काम केलं आहे. गडगंज श्रीमंती, पायाशी असंख्य सुखं लोळण घेत असताना, प्रसिद्धीच्या शिखरावर असतानाही कुक यांची कंपनी सोडतानाच इच्छा ऐकून तुम्ही सुद्धा भारावून जाल. 1 सप्टेंबर 2026 रोजीपासून जॉन टर्नस हे कंपनीची जबाबदारी संभाळतील. तर कुक हे कार्यकारी संचालक म्हणून कंपनीसोबत काम करतील.
चांगला आणि प्रामाणिक व्यक्ती
टिम कुक यांनी नुकत्याच एका मुलाखतीत कंपनीचे सीईओ पद सोडताना एक साधी इच्छा व्यक्त केली. कंपनीतीलच नाही तर जगातील लोकांनी त्यांना श्रीमंत, प्रसिद्ध व्यक्ती म्हणून नाही तर एक चांगला आणि प्रामणिक व्यक्ती म्हणून अखेरपर्यंत ओळखावे अशी इच्छा त्यांनी व्यक्त केली. त्यांचे पाय अजूनही जमिनीवरच असल्याचे दिसून आले. इतक्या मोठ्या पदावरून पायउतार होताना, मागे समृद्ध वारसा असतानाही प्रसिद्धी त्यांच्या डोक्यात गेली नाही. त्यांचा हा साधेपणा अनेकांना प्रेरणा देऊन गेला.
स्टीव्ह जॉब्सनंतर ॲपल कंपनीचे सीईओ
टिम कुक हे 2011 मध्ये ॲपल कंपनीचे सीईओ झाले. त्यांनी स्टीव्ह जॉब्स यांची जागा घेतली. जॉब्स यांचे आजारपण वाढले होते. त्याच वर्षी त्यांचे निधन झाले. कुक 1998 मध्ये ॲपल कंपनीत दाखल झाले होते. कंपनीत एक एक पायरी चढत ते वरिष्ठ उपाध्यक्ष झाले. त्यानंतर ते सीईओ झाले. कंपनीच्या पुरवठा साखळीवर त्यांनी मोठी मेहनत घेतली. त्यांच्या काळात कंपनीने मोठी झेप घेतली.
जॉन टर्नस नवीन सीईओ, कुक यांच्यावर मोठी जबाबदारी
ॲपल कंपनीत पुन्हा एकदा नेतृत्व बदल होत आहे. कंपनीचे हॉर्डवेअर इंजिनिअरिंग विभागाचे वरिष्ठ उपाध्यक्ष जॉन टर्नस 1 सप्टेंबर 2026 रोजी सीईओ होतील. कुक यांनी त्यांना शुभेच्छा दिला आहे. आणि योग्य ठिकाणी वेळ खर्ची घालण्याचा सल्ला दिला आहे. युझर्ससाठी काय चांगले आहे, ते मिळवण्याचा प्रयत्न करण्याचा सल्ला दिला. जगातील सर्वोत्तम आणि गुणवत्तापूर्ण उत्पादनं तयार करणे हेच कंपनीचे उद्दिष्ट असल्याचे ते म्हणाले. सीईओ पद सोडल्यानंतरही कुक हे कंपनीसोबत असतील. त्यांनी सीईओ पदावरून जाता जाता जी प्रामाणिक इच्छा व्यक्त केली आहे. त्यावरून सर्वांची त्यांनी मनं जिंकली आहे. प्रसिद्धी अथवा श्रीमंती त्यांच्या डोक्यात शिरली नाही. त्यांचे पाय जमिनीवर असल्याच्या प्रतिक्रिया सोशल मीडियावर उमटत आहेत.
Leave a Reply