भारताचा माजी कर्णधार रोहित शर्माने टी20 आणि कसोटी फॉर्मेटमधून आधीच निवृत्ती घेतली आहे. त्यामुळे गेल्या काही वर्षांपासून फक्त वनडे सामने खेळत आहे. असं असताना त्याच्या वनडे कारकिर्दीला वर्ल्डकप 2027 स्पर्धा खेळण्यापूर्वीच पूर्णविराम लागणार आहे. इंग्लंडविरुद्धच्या वनडे मालिकेतील शेवटचा सामना त्याच्या कारकिर्दीचा शेवट असणार आहे, असं बोललं जात आहे. असं असताना एक वेगळीच बातमी समोर आली आहे. रोहित शर्माची इंग्लंडविरुद्धच्या वनडे मालिकेत निवड केली जाणार नव्हती. पण असं असूनही त्याची निवड केली गेली आणि यशस्वी जयस्वालला जाणीवपूर्वक बाहेर ठेवलं गेलं. खरं तर या वनडे मालिकेत यशस्वी जयस्वालला संधी देण्याची योजना निवडकर्त्यांनी आखली होती, पण शेवटच्या क्षणी रोहित शर्माला संधी दिली गेली. यातून यशस्वी जयस्वालची संघात निवड केली नाही असा संदेश अप्रत्यक्षरित्या रोहित शर्माला दिला गेला.
यशस्वी जयस्वालला बाहेर करण्याचं कारण काय?
भारतीय संघाच्या निवड समितीने यशस्वी जयस्वालला संघातून डावललं आणि रोहित शर्माला अप्रत्यक्षरित्या एक संदेश दिल्याचा दावा सोशल मीडियावर केला जात आहे. त्याच्यामुळे एका युवा खेळाडूला संघातून वगळल्याचं दाखवलं गेलं. दुसरीकडे, यशस्वी जयस्वालला निवड समिती जास्तीत जास्त संधी देण्याच्या प्रयत्नात असल्याचाही दावा केला जात आहे. यशस्वी जयस्वाल एक चांगला खेळाडू आहे, यात काही दुमत नाही. त्याने तिन्ही फॉर्मेटमध्ये चांगली कामगिरी केली आहे. पण दुर्दैवाने फक्त कसोटी फॉर्मेट खेळत आहे. यशस्वी जयस्वाल टी20 आणि वनडे संघातील रेग्युलर खेळाडू नाही.
रोहित शर्माच्या तुलनेत यशस्वी जयस्वाल उजवा
रोहित शर्माच्या उतरत्या क्रिकेट कारकिर्दीत यशस्वी जयस्वाल त्याच्यापेक्षा चांगला पर्याय ठरत आहे. यशस्वी जयस्वाने 29 कसोटी सामन्यात 48.75 च्या सरासरीने 2535 धावा केल्या आहेत. यात 7 शतकांचा समावेश आहे. वनडे क्रिकेटमध्येही सहा सामन्यात त्याने दोन शतकं ठोकली आहेत. वनडे त्याची सरासरी 70 पेक्षा अधिक आहे. तर 22 टी20 आंतरराष्ट्रीय सामन्यात 36पेक्षा जास्त सरासरीने 723 धावा केल्या आहेत. यात एक शतक आणि पाच अर्धशतकं ठोकली आहे. त्याचा स्ट्राईक रेट हा 160 पेक्षा अधिक आहे.
Leave a Reply