दिल्लीतील जंतरमंतरवर सुरू असलेल्या पर्यावरण तज्ज्ञ सोनम वांगचुक यांच्या उपोषणाला आता राजकीय पाठिंबा वाढताना दिसत आहे. राष्ट्रवादी काँग्रेस (शरदचंद्र पवार गट)च्या खासदार सुप्रिया सुळे यांनी आज जंतरमंतर येथे जाऊन सोनम वांगचुक यांची भेट घेत त्यांच्या आंदोलनाला पाठिंबा दर्शवला.
सोनम वांगचुक गेल्या २० दिवसांपासून जंतरमंतर येथे उपोषण करत असून, नीट (NEET) पेपरफुटी प्रकरणात कारवाई आणि केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी त्यांनी लावून धरली आहे. त्यांच्या आंदोलनाला देशभरातून विविध सामाजिक आणि राजकीय स्तरांतून पाठिंबा मिळत आहे.
दरम्यान, सुप्रिया सुळे यांनी जंतरमंतर येथे सोनम वांगचुक यांची प्रत्यक्ष भेट घेत त्यांच्या प्रकृतीची विचारपूस केली. तसेच त्यांच्या आंदोलनाच्या मागण्यांबाबत चर्चा केल्याची माहिती समोर आली आहे.
याच पार्श्वभूमीवर मनसेचे युवा नेते अमित ठाकरे हेही उद्या जंतरमंतर येथे जाऊन सोनम वांगचुक यांची भेट घेणार असल्याची माहिती आहे. त्यामुळे या आंदोलनाला विविध राजकीय पक्षांचा वाढता पाठिंबा मिळत असल्याचे चित्र दिसत आहे.
सोनम वांगचुक यांच्या उपोषणामुळे त्यांची प्रकृती खालावल्याची माहिती समोर येत असून, त्यांच्या आंदोलनाकडे आता देशभरातील राजकीय व सामाजिक वर्तुळाचे लक्ष लागले आहे.
Leave a Reply