राष्ट्रवादी शरद पवार गटातील नेते रोहित पवार यांनी नुकतीच पत्रकार परिषद घेतली. यावेळी त्यांनी लोकसभेतील आरक्षणाचा मुद्दा, अजित पवारांचा अपघात तसेच इतर अनेक मुद्यांवर भाष्य केले. माध्यमांशी संवाद साधताना त्यांनी खरात प्रकरणावर एक खणखणीत वक्तव्य केले.
अशोक खरात प्रकरणावर बोलताना रोहित पवारांनी सांगितले की, ‘भोंदू खराताचे प्रकरण हे खूप गंभीर आहे, मी आधीही याविषयी बोललो होतो. जसे सुप्रिया सुळे, सामाजिक कार्यकर्त्या अंजली दमानिया म्हणाल्या तसेच होणार आहे. खरातकडे खूप माहिती आहे. यामध्ये अनेक नेत्यांची नावे असल्यामुळे हे प्रकरण नक्कीच दाबले जाईल. यासाठी खरातचा मृत्यू अपघात, आत्महत्या, आजारपणामुळे होऊ शकतो. नंतर संबंधितांना ब्लॅकमेलिंग करण्यासाठी खरातच्या हनी ट्रॅपिंगच्या व्हिडिओंचा वापर होईल.’
Leave a Reply