Raja Shivaji OTT Release: अभिनेता रितेश देशमुख स्टारर आणि दिग्दर्शित ‘राजा शिवाजी’ सिनेमाबद्दल मोठी अपडेट समोर आली आहे. बॉक्स ऑफिसवर बक्कळ कमाई केल्यानंतर सिनेमा आता ओटीटी प्लॅटफॉर्मवर प्रदर्शित होणार आहे. सिनेमात रितेश याने मुख्य भूमिका साकारली आणि चाहत्यांना अभिनेत्याची भूमिका आवडली देखील. ‘राजा शिवाजी’ सिनेमात अभिनेत्याने छत्रपती शिवाजी महाराजांच्या भूमिकेला योग्य न्याय दिला. चाहत्यांनी देखील सिनेमाला डोक्यावर घेतलं. आता ‘राजा शिवाजी’ सिनेमा ओटीटी प्लॅटफॉर्मवर प्रदर्शित होणार आहे. तर जाणून घ्या रितेश देशमुख स्टारर ‘राजा शिवाजी’ सिनेमा घरबसल्या कुठे आणि कधी पाहता येईल…
ओटीटी प्लॅटफॉर्मवर कधी प्रदर्शित होणार ‘राजा शिवाजी’ सिनेमा?
‘राजा शिवाजी’ या मराठी सिनेमाने बॉक्स ऑफिसवर बक्कळ कमाई करत मोठा इतिहास रचला आहे. आता हा सिनेमा ओटीटी (OTT) प्लॅटफॉर्मवरही धुमाकूळ घालण्यास सज्ज झाला आहे. याचा अर्थ असा की, ज्यांनी हा सिनेमा चित्रपटगृहात पाहिला नाही, ते आता घरबसल्या याचा आनंद घेऊ शकतील. ‘राजा शिवाजी’ हा सिनेमा 26 जून, शुक्रवारी ‘नेटफ्लिक्स’ (Netflix) या ओटीटी प्लॅटफॉर्मवर प्रदर्शित होणार असल्याची चर्चा सुरु आहे. मात्र, या प्लॅटफॉर्मकडून अद्याप कोणत्याच प्रकारची अधिकृत माहिती समोर आलेली नाही.
‘राजा शिवाजी’ सिनेमाचं बॉक्स ऑफिस कलेक्शन?
सिनेमाच्या बजेटबद्दल सांगायचं झालं तर, रिपोर्टनुसार, सिनेमाने 100 कोटींमध्ये तयार झाला आहे… तर सिनेमाची कमाई 130 कोटी आहे… मराठी सिनेविश्वात 100 कोटींचा गल्ला पार करणारा ‘राजा शिवजी’ सिनेमा पहिला सिनेमा ठरला आहे. ‘राजा शिवाजी’ सिनेमानंतर मराठी सिनेमाचे चांगले दिवस आले.. असं म्हणायला हरकत नाही.
‘राजा शिवाजी’ सिनेमातील स्टार कास्ट
सिनेमाचं दिग्दर्शन रितेश देशमुख याने केलं असून, सिनेमात मुख्य भूमिका देखील त्यानेच साकारली आहे… ‘राजा शिवाजी’ सिनेमात रितेश देशमुख याच्यासह जय दत्त, जिनिलिया देशमुख, महेश मांजरेकर, अभिषेक बच्चन, विद्या बालन, अमोल गुप्ते, भाग्यश्री… यांनी देखील महत्त्वाची भूमिका साकारली होती. सिनेमात अभिनेता सलमान खान याने देखील पाहुण्या कलाकारची भूमिका साकारली. सिनेमा 1 मे 2026 रोजी मोठ्या पडद्यावर प्रदर्शित झालेला.
Leave a Reply