अभिनेता गोविंदा(Govinda) याची पत्नी सुनीता अहुजा (Sunita Ahuja) ही कालच मुलगा यशवर्धनसोबत फॅमिली कोर्टात दिसली होती. 2024 साली तिने घटस्फोटाची याचिका दाखल केली होती, मात्र काल सुनीता हिने ती याचिका मागे घेतली. या नंतर अभिनेता गोविंदा आणि सुनीता आहुजा याच्याबद्दलच्या चर्चांना उधाण आलं . काही दिवसांपूर्वी गोविंदा हा त्याच्या आगामी चित्रपटातील अभिनेत्री कोमल राणी स्वर्णकारसोबत विमानतळावर दिसला होता. त्याने स्वतः कोमलची पॅपाराझींशी ओळख करून दिली होती. त्यानंतर सुनीता आहुजा हिने केलेल्या वक्तव्याची बरीच चर्चा झाली होती. कोमलसोबतच्या या भेटीनंतर काही माध्यमांमध्ये तिचे नाव गोविंदांची कथित गर्लफ्रेंड म्हणूनही जोडले गेले. मात्र, गोविंदा किंवा कोमल यांनी या चर्चांवर अद्याप कोणतीही अधिकृत प्रतिक्रिया दिलेली नाही. आता या प्रकरणावर अभिनेत्री पूनम पांडे (Poonam Pandey) हिने गोविंदाच्या समर्थनार्थ भूमिका मांडली आहे.
पूनम पांडेचा गोविंदाला सपोर्ट
सुनीता आहुजा हिच्या वक्तव्याबाबत विचारण्यात आल्यानंतर पूनम पांडेने गोविंदाला सपोर्ट केला. गोविंदा हे मोठे स्टार आहेत आणि मी त्यांना पूर्णपणे पाठिंबा देते, जे शिव्या देतात त्यांना तर पाठिंबा देणार नाही ना मी.. असं ती म्हणाली. पूनम हिने पुढे सुनीता हिच्या वक्तव्यावरही प्रतिक्रिया दिली. गोविंदा कोणासोबत विमानतळावर दिसले, यावरून वेगळा अर्थ काढण्याची गरज नाही. ते सार्वजनिक ठिकाणी कोणासोबत होते, ही साधी बाब आहे, असंही ती म्हणाली.
काय म्हणाली होती सुनीता अहुजा ?
गोविंदा आणि कोमल राणी यांच्या प्रमोशनबाबत पॅपाराझींनी सुनीता आहुजा हिला प्रश्न विचारला होता. आपल्या वयापेक्षा खूपच कमी वयाच्या अभिनेत्रीबरोबर गोविंदा दिसला, त्यावर सुनीताने नाराजी व्यक्त केली होती. मुलीच्या वयाच्या मुलीला घेऊन फिरताना थोडी तरी लाज वाटायला हवी आणि काहीतरी स्टँडर्ड असायला हवा, असं तिने उपरोधिकपणे म्हटलं होतं. मात्र सुनीता हिच्या या वक्तव्यामुळे गोविंदा आणि कोमल यांच्या नात्याबाबतच्या चर्चांना आणखी हवा मिळाली होती.
सोमी अलीनेही दिला होता पाठिंबा
यापूर्वी अभिनेत्री सोमी अली हिनेही सोशल मीडियावर पोस्ट करत गोविंदाचं समर्थन केलं होतं. गोविंदा हा हिदी चित्रपटसृष्टीतील प्रतिभावान आणि नम्र कलाकारांपैकी एक असल्याचं तिने म्हटलं होतं. तसेच, एखाद्या अभिनेत्याने कमी वयाच्या अभिनेत्रीबरोबर काम करण्यात काहीही गैर नसल्याचं विधानही सोमी अलीने केलं होतं. कलाकाराचं मूल्य हे त्याच्या वयावर किंवा सहकलाकाराच्या वयावर ठरत नसून त्याची प्रतिभा, व्यावसायिकता आणि काम करण्याची इच्छा यावर ठरतं, असे म्हणत तिने गोविंदाला पाठिंबा दर्शवला होता.
Leave a Reply