PM किसानचा पुढील हप्ता हवाय? त्वरित पूर्ण करा ‘ही’ 5 कामे, नाहीतर अडकतील 2,000 रुपये

एस, कुलकर्णी: PM किसान योजनेचा २४ वा हप्ता कोणत्याही अडचणीशिवाय बँक खात्यात जमा व्हावा यासाठी केंद्राने नवीन नियमावली जाहीर केली आहे. ज्या शेतकऱ्यांचे भूमी अभिलेख अद्ययावत नाहीत किंवा बँक खाते आधारशी लिंक केलेले नाही, त्यांचे पैसे अडकू शकतात. त्यामुळे शेतकऱ्यांनी मोबाईलवरून किंवा जवळच्या सीएससी (CSC) केंद्रावर जाऊन ही कामे त्वरित पूर्ण करावीत. पुढील हप्ता कोणत्याही अडचणीशिवाय मिळवण्यासाठी त्वरित पूर्ण करायच्या 5 आवश्यक कामांचा आणि महत्त्वाच्या अपडेट्सचा सविस्तर आढावा खालीलप्रमाणे आहे.

1. ई-केवायसी पूर्ण नसणे
ज्या शेतकऱ्यांची ई-केवायसी प्रक्रिया पूर्ण झालेली नाही, त्यांचा पुढील हप्ता सरकारकडून त्वरित रोखला जाईल. ई-केवायसी अनिवार्य असून शेतकरी आपल्या मोबाईलवरून पीएम किसान पोर्टलवर जाऊन OTP द्वारे किंवा जवळच्या सीएससी (CSC) केंद्रात बायोमेट्रिकद्वारे ही प्रक्रिया विनामूल्य पूर्ण करू शकतात.

2. बँक खाते आणि आधार लिंकमधील चुका
बँक खात्याची माहिती भरताना झालेली अक्षरांची चूक, IFSC कोडमधील गडबड किंवा बँक खाते आधार कार्डशी लिंक नसणे यामुळे दरवेळी लाखो शेतकऱ्यांचे पैसे खात्यात जमा होत नाहीत. तुमचे बँक खाते ‘डीबीटी’ साठी सक्रिय असल्याची खात्री बँकेत जाऊन करणे आवश्यक आहे.

3. जमीन रेकॉर्ड पडताळणीत गडबड
योजनेत होणारे गैरव्यवहार रोखण्यासाठी सरकारने भूमी अभिलेख म्हणजेच जमिनीच्या रेकॉर्डची पडताळणी करणे बंधनकारक केले आहे. जर तुमच्या महसूल विभागाच्या रेकॉर्डमध्ये जमिनीची अचूक नोंद नसेल किंवा ती पीएम किसान पोर्टलवर अपडेट झाली नसेल, तर तुम्हाला लाभार्थी यादीतून बाहेर केले जाईल.

4. एकाच कुटुंबातील एकापेक्षा जास्त सदस्यांना लाभ मिळणे
पीएम किसान योजनेच्या नियमांनुसार, एका शेतकरी कुटुंबातील (पती, पत्नी आणि अल्पवयीन मुले) केवळ एकाच व्यक्तीला या योजनेचा लाभ घेता येतो. जर एकाच कुटुंबातील एकापेक्षा जास्त सदस्य चुकीच्या पद्धतीने पैसे घेत असतील, तर त्यांचे नाव तात्काळ ब्लॉक केले जाईल आणि घेतलेले पैसे सरकार परत वसूल करणार आहे.

6. शेतकरी पात्रतेच्या अटींमध्ये बसतो की नाही
योजनेच्या अटींनुसार, कोणतेही संस्थात्मक जमीनधारक, आजी-माजी आमदार, खासदार, सरकारी नोकरदार किंवा दरमहा 10,000 रुपयांपेक्षा जास्त पेन्शन घेणारे व्यक्ती आणि प्राप्तिकर भरणारे शेतकरी या योजनेसाठी अपात्र आहेत. तुम्ही या अपात्रतेच्या श्रेणीत येत नाही ना, हे तपासणे गरजेचे आहे.

PM Kisan Status ऑनलाईन कसे चेक करावे?
सर्वप्रथम पीएम किसानच्या अधिकृत वेबसाईटवर (pmkisan.gov.in) जा
होमपेजवर उजव्या बाजूला असलेल्या ‘Know Your Status’ या पर्यायावर क्लिक करा.
तुमचा नोंदणी क्रमांक आणि स्क्रीनवर दिसणारा कॅप्चा कोड टाका.
यानंतर ‘Get Data’ वर क्लिक करताच तुमच्या खात्याची सद्यस्थिती (eKYC, Land Seeding आणि बँक आधार लिंक स्टेटस) स्क्रीनवर दिसेल. जर तिथे तिन्ही पर्यायांसमोर ‘Yes’ लिहिले असेल, तर तुमचा 24 वा हप्ता नक्की जमा होईल.

Source link