मनसे नेते अमित ठाकरे हे पुण्याच्या दौऱ्यावर आहेत, यावेळी त्यांनी सरकारी तंत्रशिक्षण महाविद्यालयातील विद्यार्थ्यांना देण्यात येणार्या सुविधांची पाहणी केली आहे. या सुविधांच्या दर्जावरून त्यांनी नाराजी व्यक्त केली आहे.
तंत्रशिक्षण महाविद्यालयातील कॉलेजमध्ये जेवणाचा दर्जा चांगला नाही, खेळाडूंना प्रशिक्षण मिळत नाही, अशा तक्रारी होत्या. या पार्श्वभूमीवर अमित ठाकरे यांनी या कॉलेजला आज भेट दिली.
यावेळी अमित ठाकरे हे चांगलेच आक्रमक झाल्याचे पहायला मिळाले, विद्यार्थ्यांना मिळणाऱ्या सुविधेच्या दर्जावरून त्यांनी कॉलेजचे अधीक्षक तसेच मुख्याध्यापकांना जाब विचारला.
तसेच विद्यार्थ्यांना चांगल्या सुविधा द्या, चांगलं जेवण द्या. आमचे मुलं इथून पुढे दररोज पहाणी करतील असंही यावेळी अमित ठाकरे यांनी म्हटलं आहे.
दरम्यान छत्रपती शिवाजी महाराजांच्या शेजारी पंतप्रधान नरेंद्र मोदी यांचा फोटो होता, हा फोटो पाहून देखील अमित ठाकरे हे चांगलेच आक्रमक झाले. त्यांनी तो फोटो हटवायला लावला.
Leave a Reply