मागच्या आठवड्याभरापासून सौदी अरेबिया हुती बंडखोरांकडून मार खात आहे. मंगळवारी 8 सप्टेंबरला सौदीच्या चार शहरांवर एकाचवेळी हुती बंडखोरांनी हल्ला केला. या हल्ल्यात सौदीचे 73 लोक जखमी झाले. त्यांच्या तेल व्यापारावर परिणाम झाला आहे. प्रतिदिन 4 लाख बॅरल तेल निर्यात व्हायचं. ते पूर्णपणे ठप्प झालं आहे. मात्र, या कठीण काळात सौदी अरेबियाला पाकिस्तान किंवा तुर्की कोणीही सहकार्य केलेलं नाही. त्यावरुन प्रश्न उपस्थित होत आहेत. आता पाकिस्तानच्या संरक्षण मंत्र्यांच वक्तव्य आलं आहे. पाकिस्तानचे संरक्षण मंत्री ख्वाजा आसिफ यांच्यानुसार, सौदीला वाचवण्यासाठी पाकिस्तान मध्य पूर्वेच्या युद्धात उडी घेऊ शकतो.
सौदीवर हुती बंडखोरांचे असेच हल्ले सुरु राहिले, तर आम्ही युद्धात उतरु शकतो असं आसिफ म्हणाले. सौदीवर हुती बंडखोरांच्या हल्ल्यामुळे मक्का करार लागू झाला आहे, असं ख्वाजा यांनी सांगितलं. “आम्ही अलर्ट मोडवर आहोत. मक्का करारातंर्गत मदत करणं आमची जबाबदारी आहे. यावर कोणी संशय घेऊ नये” असं ख्वाजा आसिफ म्हणाले.
काय आहे इस्लामिक नाटो?
सौदी अरेबिया, पाकिस्तान आणि तुर्कीने अलीकडेच मक्का करारावर स्वाक्षरी केली. या करारातंर्गत कुठल्या देशावर हल्ला झाला तर या तीन देशांवर हल्ला मानला जाईल. यात संयुक्त युद्ध अभ्यासाचाही उल्लेख आहे. त्या शिवाय जगातील अन्य देशांपर्यंतही विस्ताराचा मुद्दा आहे. मक्का करार नाटोच्या धर्तीवर तयार केला आहे. या करारात सहभागी होणारे देश आपलं संरक्षण बजेट आणि गोपनीय माहिती परस्परांसोबत शेअर करतील. याला इस्लामिक नाटोही म्हटलं जातं.
पाकिस्तानने काय शब्द दिलाय?
रॉयटर्स वृत्तसंस्थेनुसार सौदी अरेबियात पाकिस्तानचे 8 हजार जवान तैनात आहेत. पण पाकिस्तानने हुती बाबत अजून कोणताही निर्णय घेतलेला नाही. याचवर्षी पाकिस्तानने या जवानांना सौदीच्या रक्षणासाठी पाठवलं होतं. सौदी अरेबिया आणि तुर्कीच्या रक्षणासाठी पाकिस्तान 80 हजार जवान तैनात करु शकतो. पाकिस्तानने या देशांना अणवस्त्र सुरक्षा देण्याचाही शब्द दिला आहे.
Leave a Reply