PAK vs AUS 2nd Odi : पाकिस्तानचा टॉस जिंकून फिल्डिंगचा निर्णय, ऑस्ट्रेलिया निर्णायक सामन्यात किती धावा करणार?

ऑस्ट्रेलिया क्रिकेट टीम सध्या पाकिस्तान दौऱ्यावर आहे. पाकिस्तान विरुद्ध ऑस्ट्रेलिया यांच्यात 3 सामन्यांची एकदिवसीय मालिका खेळवण्यात येत आहे. यजमान पाकिस्तानने या मालिकेत विजयी सलामी दिली. पाकिस्तानने यासह 1-0 अशी आघाडी मिळवून मालिका विजयाचा दावा ठोकला आहे. तर उभयसंघातील दुसऱ्या सामन्याचं आयोजन हे आज 2 जून रोजी लाहोरमधील गद्दाफी स्टेडियममध्ये करण्यात आलं आहे. सामन्याला भारतीय वेळेनुसार संध्याकाळी 5 वाजता सुरुवात होणार आहे. त्याआधी 4 वाजून 30 मिनिटांनी टॉस झाला. पाकिस्तानच्या बाजूने नाणेफेकीचा कौल लागला आहे. कॅप्टन आणि वेगवान गोलंदाज शाहीन आफ्रिदी याने फिल्डिंग करण्याचा निर्णय घेतला आहे.

ऑस्ट्रेलियाकडून एकमेव बदल, पाकिस्तान अनचेंज

पाकिस्तानने दुसऱ्या सामन्यात प्लेइंग ईलेव्हनमध्ये कोणताही बदल केलेला नाही. पाकिस्तानने पहिल्या सामन्यातील विजयी प्लेइंग ईलेव्हनसह मैदानात उतरण्याचा निर्णय घेतला आहे. तर दुसऱ्या बाजूसला ऑस्ट्रेलियाने प्लेइंग ईलेव्हनमध्ये एकमेव बदल केला आहे. बिली स्टॅनलेक याच्या जागी एडम झॅम्पा याचा समावेश करण्यात आला आहे.

ऑस्ट्रेलियासाठी करो या मरो सामना

दरम्यान ऑस्ट्रेलिया क्रिकेट टीम या 3 सामन्यांच्या मालिकेत 0-1 ने पिछाडीवर आहे. त्यामुळे पाकिस्तानसमोर दुसऱ्या सामन्यात विजयी होण्यासह पाकिस्तानला मालिका जिंकण्यापासून रोखण्याचं दुहेरी आव्हान आहे. त्यामुळे ऑस्ट्रेलिया मालिकेतील आपलं आव्हान कायम राखण्यात यशस्वी ठरणार का? हे पाहणं महत्त्वाचं ठरणार आहे.

पहिल्या सामन्यात काय झालं?

पाकिस्तानने पहिल्या सामन्यात ऑस्ट्रेलिया विरुद्ध सहज विजय मिळवला. पाकिस्तानच्या गोलंदाजांसमोर ऑस्ट्रेलियाला संपूर्ण 50 ओव्हरही खेळता आलं नव्हतं. पाकिस्तानने ऑस्ट्रेलियाला 44.1 ओव्हरमध्ये 200 रन्सवर ऑलआऊट केलं. त्यानंतर पाकिस्तानने 201 धावांचं आव्हान हे 45 बॉलआधी 5 विकेट्स राखून पूर्ण केलं. पाकिस्तानने  42.3 ओव्हरमध्ये 5 विकेट्सच्या मोबदल्यात 202 धावा केल्या आणि विजय मिळवला.

ऑस्ट्रेलिया प्लेइंग ईलेव्हन : ॲलेक्स कॅरी, मॅथ्यू शॉर्ट, जोश इंग्लिस (कॅप्टन आणि विकेटकीपर), मार्नस लॅबुशेन, कॅमेरुन ग्रीन, मॅट रेनशॉ, ऑलिव्हर पीक, नॅथन एलिस, तन्वीर संघा, मॅथ्यू कुहनेमन आणि एडम झाम्पा.

पाकिस्तान प्लेइंग इलेव्हन: साहिबजादा फरहान, माझ सदाकत, बाबर आझम, गाझी घोरी (विकेटकीपर), अराफत मिन्हास, सलमान आघा, अब्दुल समद, शादाब खान, शाहीन आफ्रिदी (कॅप्टन), हरिस रौफ आणि अबरार अहमद.