Virar Local Train : सध्या मुंबई आणि उपनगरात तुफान पाऊस झाला आहे. या पावसामुळे मुंबई शहर तसेच उपनगराची दाणादाण उडाली आहे. त्यामुळे मुंबईची जीवनवाहिनी समजल्या जाणाऱ्या लोकलचे वेळापत्रक कोलमडले आहे.
मिळालेल्या माहितीनुसार चर्चगेटवरून विरारकडे येणाऱ्या लोकलवसई पर्यंतच सुरू आहेत. त्यामुळे विरारला जाणाऱ्या चाकरमान्यांची चांगलीच पंचाईत झाली आहे. वसई, नालासोपारा स्टेशनमध्ये ट्रॅकवर पाणी साचले आहे.
ट्रॅकवरच पाणी साचल्याने वसई ते विरार लोकलसेवा ठप्प झाली आहे. विरार ते डाहाणू लोकल सेवा अर्धा ते पाऊण तासाच्या फरकाने उशिराने सुरु आहेत. लांब पल्याच्या एक्स्प्रेस धीम्या गतीने सुरू आहेत.
दरम्यान, वसई, विरार लोकल ट्रेन ठप्प पडल्याने ही बाब लक्षात घेऊन प्रवासाचा निर्णय घ्यावा. तसेच लोकलचे अपडेटेड वेळापत्रक समोर ठेवूनच प्रवास करावा, असे आवाहन करण्यात आले आहे.
सध्या पाऊस कमी होताना दिसत आहे. 8 जुलैच्या नंतर पाऊस कमी होण्याची शक्यता आहे. तरीही शक्य असेल तरच घराबाहेर पडावे. शक्य असेल तर घरातूनच काम करावे, असे आवाहन करण्यात आले आहे.
Leave a Reply