मुंबईतील प्रसिद्ध कूपर रुग्णालयात बुरखा घातलेल्या महिलांना प्रवेश नाकारल्याचा आरोप समोर आला आहे. रुग्णालयातील एक व्हिडिओ सध्या सोशल मीडियावर मोठ्या प्रमाणात व्हायरल होत आहे. रुग्णाला भेटण्यासाठी आलेल्या नातेवाईकांसोबत हा प्रकार घडल्याचे सांगितले जात आहे. रुग्णालयात प्रवेशासाठी बुरखा काढण्याची अट ठेवल्यामुळे सुरक्षा कर्मचाऱ्यांशी संबंधित महिलांचे वादही झाले.
या घटनेनंतर कूपर रुग्णालयाच्या प्रशासनाने आपली भूमिका स्पष्ट केली आहे. विशेषतः गर्भवती महिला वॉर्डमध्ये प्रवेश करताना, चेहरा झाकलेला बुरखा घातल्यास संबंधित व्यक्ती महिला आहे की पुरुष, हे ओळखणे प्रशासनासाठी कठीण होते. यापूर्वी लहान बाळं चोरीला जाण्याच्या अनेक घटना आपण पाहिल्या आहेत. अशा परिस्थितीत जर एखाद्या गर्भवती महिलेचे बाळ चोरीला गेले, तर प्रशासन काय उत्तर देईल, असा प्रश्न उपस्थित करण्यात आला आहे.
त्यामुळे, कूपर रुग्णालयाचे प्रशासन जर कोणाला गर्भवती महिलांच्या वॉर्डात जाताना चेहरा दाखवण्याची विनंती करत असेल, तर ही त्या महिलांची आणि त्यांच्या लहान बाळांची सुरक्षितता सुनिश्चित करण्याची एक काळजी आहे. प्रशासनाच्या मते, हा निर्णय रुग्णांच्या सुरक्षिततेसाठी आवश्यक असून, यावर धर्माचे राजकारण करणे योग्य नाही. रुग्णालयाने घेतलेला हा निर्णय सुरक्षेच्या दृष्टिकोनातून महत्त्वपूर्ण असल्याचे म्हटले जात आहे.
Leave a Reply