सर्वोच्च न्यायालयाने शुक्रवारी तृणमुल काँग्रेसच्या खासदार महुआ मोइत्रा यांच्या याचिकेवर सुनावणी करताना एक टिप्पणी केली. तुम्ही एक खासदार आहात आणि राजकारणात आल्यानंतर तुम्ही अंड्यांना घाबरता असं सर्वोच्च न्यायालयाने म्हटलं. महुआ मोइत्रा यांच्या एका फेसबुक पोस्ट विरोधात एफआयआर दाखल झाला आहे. सुनावणीनंतर सुप्रीम कोर्टाने महुआ मोइत्रा यांना दिलासा देण्यास नकार दिला. तृणमुल काँग्रेसला सर्वोच्च न्यायालयाने झटका दिला. तुम्ही खासदार आहात. राजकारणात आल्यानंतर अंड्यांना घाबरता. आपल्या स्वातंत्र्य सैनिकांनी तर छातीवर गोळ्या खाल्ल्या आहेत. अशा याचिका तर या कोर्टासमोर आल्याच नाही पाहिजेत. पोलीस स्टेशनमध्ये जाताना अंडी फेकली जाऊ शकतात ही त्यांची भिती न्यायाधीश दीपांकर दत्ता आणि न्यायाधीश शील नागू यांच्या खंडपीठाने फेटाळून लावली.
जून महिन्यात महुआ मोइत्रा यांनी सोशल मीडियावर दोन व्हिडिओ पोस्ट केले होते. त्यावरुन एका भाजपं नेत्याने त्यांच्याविरोधात दाखल केलेल्या एका तक्रारीवरुन एफआयआर दाखल झाली. भाजपं समर्थक कृष्णानगर कोर्टाबाहेर त्यांच्यावर अंडी आणि टॉमेटो फेकण्यासाठी जमा झाले होते. त्यावेळी मोइत्रा यांच्याविरुद्ध एक एफआयआर दाखल झाली. मागच्या महिन्यात एफआयआर रद्द करण्यासाठी दाखल केलेल्या याचिकेवर हाय कोर्टाने त्यांना अंतरिम सुरक्षा दिली. पण 14 ऑगस्टला तपास अधिकाऱ्यासमोर हजर होण्याचे निर्देश दिले.
कोर्टाला मोइत्रा यांचं म्हणणं पटलं नाही
सुप्रीम कोर्टात मोइत्रा यांच्यावतीने सीनियर एडवोकेट गोपाल शंकरनारायणन यांनी युक्तीवाद केला. एका फेसबुक पोस्टमुळे मोइत्रा यांच्याविरुद्ध एफआयआर दाखल झाल्याचं त्यांनी सांगितलं. वीडियो-कॉन्फ़्रेंसिंगच्या माध्यमातून तपास अधिकाऱ्यासमोर हजर होण्याची परवानगी मिळाली पाहिजे. कोर्टाने त्यांच्या या मागणीवर प्रश्नचिन्ह उपस्थित केलं. कोर्टने विचारलं, वर्चुअली का?. तुम्ही खासदार आहात म्हणून का?. त्यावर त्यांचे वकील शंकरनारायणन म्हणाले की, पोलिसांसमोर फिजिकली हजर झाल्या, तर त्यांच्यावर जमावाकडून हल्ला होऊ शकतो. त्या म्हणाल्या की, मी याआधी तिथे गेली, त्यावेळी मला धमक्या दिल्या, माझ्यावर अंडी फेकली. कोर्टाला मोइत्रा यांचं म्हणणं पटलं नाही. कोलकाता उच्च न्यायालयाने आधीच त्यांना तपास यंत्रणांना सहकार्य करायला सांगितलं आहे.
Leave a Reply