नाशिक येथील सिंहस्थ कुंभमेळ्यासाठी तपोवनातील हजारो झाडे तोडण्याच्या प्रशासनाच्या निर्णयाला स्थगिती देण्यात आली आहे. मुंबई उच्च न्यायालयाने तूर्तास स्थगिती देत झाडांबाबतची माहिती सादर करण्याचे प्रशासनाला आदेश दिले आहे. वृक्षतोड प्रकरणावरील याचिकेची सुनावणी 8 सप्टेंबर पर्यंत तहकूब करण्यात आली आहे. राज्य सरकारच्या जलसंधारण विभागातर्फे जलसंधारण दिनानिमित्त अमरावतीत महावॉकेथॉन वॉक फॉर वॉटर जनजागृती रॅलीचे आयोजन करण्यात आले आहे. शिवाजी महाविद्यातुन या रॅलीचा प्रारंभ होणार आहे. पाण्याचे महत्त्व, जलसंधारण, मृदू संधारण, तसेच भविष्यातील पाणी सुरक्षिततेबाबत नागरिकांमध्ये व्यापक जनजागृती करण्यात येणार आहे. माजी मुख्यमंत्री स्व. सुधाकरराव नाईक यांच्या जयंतीनिमित्त राज्यभर जलसंधारण सप्ताहाचे आयोजन करण्यात आले आहे. आज मुंबईतील मद्रासवाडी सबवे ते वरळी प्रोमेनेड दरम्यान ‘महा वॉकेथॉन 2026 – Walk for Water’ आणि रील स्पर्धेचे आयोजन करण्यात आले आहे.यासह राज्यातील इतर महत्त्वाच्या घडामोडी, देश-विदेशातील, क्रीडा आणि मनोरंजन क्षेत्रातील इतरही अपडेट्स जाणून घेण्यासाठी हा ब्लॉग फॉलो करा.
Leave a Reply