Khavdya Dongar Case: छत्रपती संभाजी नगर जिल्ह्यातल्या खवड्या डोंगरावरून कुटुंबाचा एकाच वेळी मृत्यू झाल्याने एकच खळबळ उडाली आहे. मुलाला वाचवण्याच्या प्रयत्नात अख्या कुटुंबाचा दुर्दैवी मृत्यू झाल्याने महाराष्ट्रासह संपूर्ण देश हादरला आहे. मुरलीधर चांदगुडे हे राहणार मूळचे जालन्यातील अंबड तालुक्यातल्या धनगर पिंपळगाव येथील रहिवासी आहेत. मात्र, कुटुंबाच्या विरोधात जाऊन त्यांनी लग्न केले. लग्नानंतर ते संभाजीनगरला राहत होते. ते ट्रक चालवून त्यांचा उदरनिर्वाह करत होते. आता या प्रकरणात नवनवीन ट्विस्ट समोर येत आहे.
संगिता यांचे युट्युब चॅनेल आहे. ते युट्युबवर अनेक व्हिडिओ बनवायच्या. घरगुती वादासंदर्भात त्यांनी अनेक व्हिडिओ बनवले आहेत. अनेक व्हिडिओमध्ये त्यांनी मुरलीधर यांच्या बहिणीवर आरोप केले आहे. यावरुन असे स्पष्ट होते की त्यांच्या घरात अनेक वाद सुरु होते. मुरलीधर यांच्या कुटुंबाला ते बायको आणि मुलासोबत राहतात ते पसंत नसल्याचे समजत आहे.
संगिता यांनी एका व्हिडिओमध्ये मुरलीधर यांच्या बहिणीवर एक आरोप केला आहे. त्या स्पष्ट म्हणाल्या की, आज तुम्हाला तुमच्या स्वत:च्या पोरापेक्षा ती बहिण महत्त्वाची वाटली, जिने कधी तुम्हाला विचारलं पण नाही, की तु कसा आहेस? आणि त्या बहिणीसाठी तुम्ही आज माझ्या मुलावर हात घातला ना, ती तुम्हाला एक दिवस ना कुठलाच ठेवणार नाही शब्द आहे माझा, लक्षात राहू द्या फक्त.”
या व्हिडिओतून असे समजते की मुरलीधर आणि संगिता यांचा संसारात त्यांच्या बहिणीची लुडबुड होती. तर संगिता यांनी केलेल्या आरोपावरुन असं समजत आहे की बहिणीच्या सांगण्यावरुन त्यांच्या घरात वाद व्हायचे, बहिणाच्या सांगण्यावरुन मुरलीधर घरात संगिता आणि त्यांचा मुलगा कुणालला मारायचे. आता या प्रकरणा संदर्भात पोलिस वेगवेगळ्या अँगलने तपास करत आहे. नेमकी कोणाची चूक आहे, कोण दोषी आहे, नेमकं घडलं काय होतं की, कुणालने इतके टोकाचे पाऊल उचलले, या सगळ्यावर आता पोलिस कसून तपास करत आहे.
Leave a Reply