आयपीएल 2026 स्पर्धेत पंजाब किंग्सकडून खेळणाऱ्या अफगाणिस्तानचा अष्टपैलू अजमतुल्लाह ओमरजाई याच्या आईचं नुकतंच निधन झालं होतं. गेल्या काही दिवसांपासून त्याच्या आईला आजारानं ग्रासलं होतं. अखेर त्यांची प्राणज्योत मालवली. त्यामुळे अजमतुल्लाहला तातडीने घरी परतावं लागलं. (PHOTO CREDIT- PTI)
अजमतुल्लाह ओमरजाई घरी गेल्याने प्लेइंग 11 निवडताना कर्णधार श्रेयस अय्यरला कठीण जात आहे. कारण काही खेळाडूंचा फॉर्म चिंतेचा विषय आहे. यासाठी काही पर्याय असणं आवश्यक आहे. आता पंजाब किंग्ससाठी एक आनंदाची बातमी आहे. मिडिया रिपोर्टनुसार. अजमतुल्लाह 7 मे रोजी संघासोबत असणार आहे. त्यामुळे पंजाब किंग्सच्या चाहत्यांचा जीव भांड्यात पडला आहे. (PHOTO CREDIT- PTI)
अजमतुल्लाह ओमरजाईच्या अष्टपैलू कामगिरीमुळे पंजाब किंग्सला नक्कीच कुठे ना कुठे त्याचा फायदा होऊ शकतो. कारण ओमरजाईकडे चांगला अनुभव आहे. गोलंदाजी आणि फलंदाजीत आपलं योगदान देऊ शकतो. पण या पर्वात त्याला तसं पाहिलं तर एकही सामना खेळण्याची संधी मिळाली नाही. कारण विजयी ट्रॅकवर असल्याने प्लेइंग 11 मध्ये फार काही बदल केला नाही. पण मागच्या सामन्यातील पराभवानंतर एखाद दुसरा बदल केला जाऊ शकतो. (PHOTO CREDIT- PTI)
अजमतुल्लाह ओमरजईला या पर्वात पंजाब किंग्सने 2.4 कोटी रुपयात रिटेन केलं आहे. त्याने आयपीएल स्पर्धेत 16 सामने खेळले आहेत. तसेच 99 धावा केल्या असून 12 विकेट घेतल्या आहेत. (PHOTO CREDIT- PTI)
अजमतुल्लाहने आंतरराष्ट्रीय क्रिकेट करिअरमध्ये 66 टी20 आंतरराष्ट्रीय सामने खेळले आहेत. त्यात त्याने 808 धावा केल्या आहे. तसेच 54 विकेट घेतल्या आहेत. (PHOTO CREDIT- PTI)
Leave a Reply