आंतरराष्ट्रीय क्रिकेट परिषद अर्थात आयसीसीने कसोटी क्रमवारीत अपडेट केले आहेत. मागच्या आठवड्यात बांगलादेशने ऑस्ट्रेलियाला पराभूत केलं होतं. त्यामुळे त्याचा परिणाम क्रमवारीवर दिसणं सहाजिकच होतं. फलंदाजांच्या क्रमावारीत त्याचा प्रभाव दिसला आहे. बांगलादेशविरुद्धच्या कसोटी सामन्यात ट्रेव्हिस हेड फेल गेला होता. त्यामुळे त्याचं क्रमवारीतील अव्वल स्थान गेलं आहे. इतकंच काय तर त्याची चौथ्या स्थानावर घसरण झाली आहे. तर इंग्लंडचा हॅरी ब्रूक पहिल्या स्थानावर विराजमान झाला आहे. हॅरी ब्रूकची रेटिंग 852 इतकी झाली आहे. जो रूट आणि स्टीव्ह स्मिथ यांना थोडासा फायदा झाला आहे. जो रूटला क्रमवारीत एक स्थानाचा लाभ झाला आहे. 840 रेटिंगसह दुसऱ्या स्थानावर पोहोचला आहे. तर ऑस्ट्रेलियाचा स्टीव्ह स्मिथ 833 रेटिंगसह तिसऱ्या स्थानावर आहे.
ट्रेव्हिस हेडचं मोठं नुकसान
बांगलादेशविरुद्धच्या कसोटी सामन्यात ऑस्ट्रेलियाच्या ट्रेव्हिस हेडची कामगिरी हवी तशी झाली नाही. पहिल्या डावात 22 आणि दुसऱ्या डावात 17 धावा केल्या. त्याच्या या कामगिरीचा त्याला क्रमवारीत फटका झाला. दुसरीकडे, हॅरी ब्रूकने न्यूझीलंड आणि भारताविरुद्धच्या मालिकांमध्ये केलेल्या उत्कृष्ट कामगिरीमुळे आणि मोठ्या धावसंख्येमुळे त्याचे रेटिंग पॉईंट्स झपाट्याने वाढले होते. त्यात ट्रेव्हिस हेडची कामगिरी निराशाजनक झाल्याने रेटिंग घसरलं. ट्रेव्हिस हेडचं रेटिंग 819 पर्यंत पोहोचली. त्यामुळे चौथ्या स्थानावर समाधान मानावं लागलं. दक्षिण अफ्रिकेचा कसोटी कर्णधार टेम्बा बावुमा 775 रेटिंगसह पाचव्या स्थानावर आहे.
भारतीय फलंदाजांची क्रमवारीतील जागा तशीच
भारतीय फलंदाजांच्या क्रमवारीत काहीच बदल झालेला नाही. भारतीय संघाचा कर्णधार शुबमन गिल याची रेटींग 743 इतकी असून सातव्या स्थानावर आहे. यशस्वी जयस्वाल 733 रेटिंगसह नवव्या स्थानावर आहे. पाकिस्तानचा बाबर आझम 716 रेटिंगसह दहाव्या स्थानावर आहे. ही रेटिंग 18 ऑगस्टपर्यंत जारी जारी करण्यात आली आहे. भारत श्रीलंका सामन्याचा निकाल लागल्याने पुढच्या आठवड्यात या क्रमवारीत बदल होण्याची दाट शक्यता आहे. यशस्वी जयस्वाल आणि शुबमन गिल यांना नुकसान होऊ शकतं. कारण दोघंही श्रीलंकेविरुद्धच्या कसोटीत फेल गेले आहेत.
Leave a Reply