सणासुदीचे दिवस असून सोनं-चांदीच्या दागिन्यांसाठी, खरेदीसाठी ग्राहक उत्सुक असतात. मात्र सध्याचे वर-खाली होणारे भाव पाहता, सोनं-चांदी खरेदी करताना 100 वेळा तरी विचार करावा लागतो नाहीतर बजेट कोलमडण्याची भीती असते. जळगावच्या सराफ बाजारात आज सोने आणि चांदीच्या दरात मोठी हालचाल पाहायला मिळाली. मौल्यवान धातूंच्या दरांकडे ग्राहक आणि गुंतवणूकदारांचे लक्ष लागले असून, आजच्या बाजारभावात चांदीच्या दरात लक्षणीय घसरण झाली आहे.
गेल्या 24 तासांत चांदीच्या दरात तब्बल 2 हजार रुपयांची घसरण झाली आहे. त्यामुळे चांदी खरेदी करणाऱ्या ग्राहकांना काहीसा दिलासा मिळाला आहे.
आज जळगावच्या सराफ बाजारात जीएसटीसह चांदीचा दर 2 लाख 44 हजार 110 रुपये इतका नोंदवण्यात आला आहे. त्यामुळे कालच्या तुलनेत चांदीच्या दरात स्पष्ट घसरण दिसून येत आहे.
चांदीच्या दरात मोठी घसरण झाली असली तरी सोन्याच्या दरात आज कोणतीही वाढ किंवा घट झालेली नाही. सोन्याचे दर मात्र आज स्थिर राहिले आहेत.
जळगावच्या सराफ बाजारात जीएसटीसह सोन्याचा दर 1 लाख 57 हजार 590 रुपयांवर स्थिर आहे. त्यामुळे सोनं खरेदीचा विचार असेल, त्या ग्राहकांसाठी आजच्या बाजारात दरात विशेष बदल झालेला नाही.
( डिस्क्लेमर : सोन्या-चांदीचे दर बाजारातील घडामोडींनुसार सतत बदलत असतात. त्यामुळे दागिने किंवा चांदीची खरेदी करण्यापूर्वी स्थानिक सराफाकडून त्याच दिवसाचा अंतिम दर आणि लागू शुल्क निश्चित करून घेणे महत्त्वाचं आहे.)
Leave a Reply