मुंबई इंडियन्सने चेन्नई सुपर किंग्ससमोर आयपीएल स्पर्धेच्या 19 व्या मोसमात (IPL 2026) एमए चिदंबरम स्टेडिममध्ये 160 धावांचं आव्हान ठेवलं आहे. मुंबईसाठी नमन धीर याने सर्वाधिक धावा केल्या. मात्र नमन धीर व्यतिरिक्त इतर फलंदाजांनी घोर निराशा केली. काही फलंदाजांना ठिकठाक सुरुवात मिळाली. मात्र त्या फलंदाजांना मोठी खेळी करता आली नाही.सूर्यकुमार यादव, तिलक वर्मा आणि हार्दिक पंड्या या प्रमुख फलंदाजांनी निराशा केली. त्यामुळे गोलंदाजांना बचाव करण्यासाठी फक्त 159 धावाच मिळाल्या आहेत. त्यामुळे मुंबईचे गोलंदाज या धावांचा बचाव करताना कशी कामगिरी करतात हे पाहणं महत्त्वाचं ठरणार आहे.
पहिल्या डावात काय झालं?
मुंबईचा कर्णधार हार्दिक पंड्या याने टॉस जिंकून बॅटिंगचा निर्णय घेतला. मात्र नमन धीर याचा अपवाद वगळता इतर फलंदाजांनी हार्दिकचा निर्णय चुकीचा ठरवला. मुंबईने विल जॅक्स याच्या रुपात पहिली विकेट गमावली. विलने निराशा केली. विलने 1 धाव करुन मैदानाबाहेरचा रस्ता धरला.
नमन धीर-रायनची फटकेबाजी
मुंबईने 1 धावेवर पहिली विकेट गमावली. त्यानंतर रायन रिकेल्टन आणि नमन धीर या दोघांनी दुसऱ्या विकेटसाठी अर्धशतकी भागीदारी केली. या दरम्यान दोघांनी जबरदस्त फटकेबाजी केली. त्यामुळे मुंबई मोठी धावसंख्या उभारेल असं वाटत होतं. मात्र तितक्यातच रायन रिकेल्टन आऊट झाला. नूरने रायनला 37 रन्सवर आऊट झाला. रायन आणि नमन या दोघांनी दुसऱ्या विकेटसाठी 58 धावांची भागीदारी केली.
सूर्यकुमार यादव याला आश्वासक सुरुवात मिळाली. मात्र सूर्या फार वेळ मैदानात टिकू शकला नाही. सूर्याने 21 धावा केल्या. तिलक वर्मा 5 धावा करुन माघारी परतला. मात्र नमन मैदानात असल्याने पलटणला धीर होता. मात्र नमनला अर्धशतकानंतर आणखी धावा जोडता आल्या नाहीत. नमनने 37 बॉलमध्ये 3 सिक्स आणि 4 फोरसह 57 रन्स केल्या.
कॅप्टन हार्दिकला 100 च्या स्ट्राईक रेटनेही धावा करता आल्या नाहीत. हार्दिकने 23 बॉलमध्ये 18 रन्स केल्या. रॉबिन मिंझ 5 धावांवर बाद झाला. तर क्रिष भगत आणि ट्रेंट बोल्ट नाबाद परतले. क्रिषने 3 आणि ट्रेंटने 7 धावा केल्या. चेन्नईसाठी अंशुल कंबोज याने सर्वाधिक 3 विकेट्स मिळवल्या. नूर अहमद याने दोघांना मैदानाबाहेरचा रस्ता दाखवला. तर रामकृष्ण घोष आणि जेमी ओव्हरटन या दोघांनी प्रत्येकी 1-1 विकेट मिळवली.
Leave a Reply