न्यूझीलंड क्रिकेट टीम सध्या बांगलादेश दौऱ्यावर आहे. बांगलादेश विरुद्ध न्यूझीलंड यांच्यात सध्या 3 सामन्यांची एकदिवसीय मालिका खेळवण्यात येत आहे. ही मालिका 2 सामन्यानंतर 1-1 ने बरोबरीत आहे. न्यूझीलंडने 26 धावांनी सामना जिंकत मालिकेत विजयी सलामी दिली. त्यानंतर बांगलादेशने दुसऱ्या सामन्यात आणि करो या मरो अशा स्थितीत न्यूझीलंडचा 6 विकेट्सने धुव्वा उडवला. त्यामुळे आता 23 एप्रिलला होणारा तिसरा आणि अंतिम सामना निर्णायक होणार आहे. यजमान बांगलादेशसमोर मालिका जिंकण्याचं आव्हान असणार आहे. मात्र बांगलादेशसमोर न्यूझीलंडचं कडवं आव्हान असणार आहे. त्यामुळे क्रिकेट चाहत्यांना चुरस पाहायला मिळणार आहे.
एकदिवसीय मालिकेनंतर उभयसंघात 27 एप्रिल ते 2 मे दरम्यान टी 20I मालिकेचा थरार रंगणार आहे. या मालिकेतही वनडे प्रमाणे एकूण 3 सामने होणार आहेत. बांगलादेश क्रिकेट बोर्डाने या मालिकेतील पहिल्या 2 सामन्यांसाठी 15 सदस्यीय संघाची घोषणा केली आहे. लिटन दास बांगलादेशचं नेतृत्व करणार आहे. बांगलादेश क्रिकेट बोर्ड आणि आयसीसीने एक्सद्वारे याबाबतची माहिती दिली आहे.
कुणाला विश्रांती आणि कुणाचं कमबॅक?
बांगलादेशने या टी 20I मालिकेतील पहिल्या 2 सामन्यांतून नाहिद राणा, तस्कीन अहमद आणि मुस्तफिजुर रहमान या तिघांना विश्रांती दिलीय. या तिघांना तिसऱ्या अर्थात शेवटच्या सामन्यात संधी दिली जाऊ शकते. बांगलादेश क्रिकेट बोर्डाकडून या तिघांना संधी न देण्यामागील कारणही सांगितलं आहे. युवा खेळाडूंना अधिकाअधिक संधी देता यावी यासाठी अनुभवी खेळाडूंना संधी देण्यात आलेली नाही.
बीसीबीकडून वेगवान गोलंदाज अब्दुल गफ्फार सकलैन याला संधी देण्यात आली आहे. अब्दुल अखेरच्या क्षणी बॅटिंग करण्यात माहिर आहे. तसेच वेगवान गोलंदाज रिपॉन मोंडल यालाही संधी देण्यात आलीय.
टी 20I मालिकेचं वेळापत्रक
पहिला सामना, 27 एप्रिल, चटगाव
दुसरा सामना, 29 एप्रिल, चटगाव
तिसरा सामना, 2 मे, ढाका
न्यूझीलंड विरूद्धच्या टी 20I मालिकेतील पहिल्या 2 सामन्यांसाठी बांगलादेश टीम : लिटन दास (कॅप्टन), परवेझ हुसैन इमोन, तांझीद हसन, मोहम्मद सैफ हसन, शमीम हुसैन,तॉहीद हृदॉय, नूरुल हसन, शाक महेदी हसन, नसुम अहमद, रिशाद हुसैन, शोरीफुल इस्लाम, तंजीम हसन साकिब, रिपन मोंडोल, शैफ उद्दीन आणि अब्दुल गफ्फार सकलैन.
Leave a Reply