देशातील शिक्षणव्यवस्थेला विरोध करण्यासाठी तसेच केंद्रीय शिक्षणमंत्र्यांच्या राजीनामा घेण्यासाठी राजधानी दिल्लीत हजारो आंदोलक जमले आहेत. या काही आंदोलकांच्या हातात तिरंगा आहे तर काही आंदोलकांच्या हाती पोस्टर्स आहेत.
भर पावसात हे आंदोलन सुरू आहे. काही आंदोलकांनी दिल्लीच्या संसद भवनाकडे कूच केले आहे. त्यामुळेच खबरदारी म्हणून संसदेचे प्रवेशद्वार बंद करण्यात आले आहे. आंदोलक सरकारविरोधात जोरदार घोषणा देत आहेत.
आंदोलनादरम्यान कोणताही अनुचित प्रकार घडू नये यासाठी शेकडो पोलीस तैनात करण्यात आले आहेत. विशेष म्हणजे आंदोलकांवर नियंत्रण मिळवण्याचा प्रयत्नन पोलिसांकडून केला जातोय.
दरम्यान, काही आंदोलकांवर पोलिसांनी धक्काबुक्की केल्याचेही पाहायला मिळत आहे. समोर आलेल्या व्हिडीओनुसार पोलीस आंदोलकांवर लाठीचार्ज करताना दिसत आहेत. एका आंदोलकाला पोलिसांने ट्रकमधून खाली खेचल्याचे दिसत आहे.
याच पोलिसाने आंदोलकाला लाथांनी मारल्याचेही दिसत आहे. आंदोलकांना पांगवण्यासाठी अश्रूधुराच्या नळकांड्या फोडण्यात आल्या आहेत. एकीकडे आंदोलक संसद भवनाकडे मार्गक्रमण करत आहेत, तर दुसरीकडे पोलीस आंदोलकांना आडवण्याचा प्रयत्न करत आहेत. त्यामुळे काय होणार, याकडे संपूर्ण देशाचे लक्ष लागले आहे.
Leave a Reply