Apple सप्टेंबरमध्ये धमाका करणार आहे. iPhone 18 Pro सीरीजसह इतर अनेक उत्पादनं बाजारात उतरवणार आहे. याविषयीच्या वृत्तानुसार, कंपनीचा पुढील लाँच इव्हेंट 9 सप्टेंबर 2026 रोजी होऊ शकतो. या इव्हेंटमध्ये iPhone 18 Pro सीरीजसह कंपनीचा पहिल्या फोल्डेबल iPhone सह इतर उत्पादनं असतील. यामध्ये फोल्डेबल iPhone Ultra, Apple Watch Series 12, Watch Ultra 4 आणि नवीन AirPods चा समावेश आहे. काही डिव्हाईस हे ऑक्टोबर महिन्यात लाँच होतील.
iPhone 18 Pro आणि Pro Max मध्ये काय अंतर?
Apple च्या आगामी iPhone 18 Pro आणि iPhone 18 Pro Max लाँच इव्हेंट हा सर्वात चर्चेचा विषय ठरला आहे. हे दोन्ही फोनमध्ये कंपनीची नवीन A20 Pro चिप मिळण्याची अपेक्षा आहे. याशिवाय Dynamic Island हा पूर्वीपेक्षा आकाराने छोटा असेल. फोनच्या कॅमेरा कंट्रोल बटन अधिक सक्षमपणे देण्यात येईल. तर नवीन मॉडेलमध्ये Dark Cherry हा रंगाचा पर्याय देण्यात येऊ शकतो. iPhone 18 Pro Max मध्ये बॅटरी मोठी असेल. डिझाईन सुद्धा मोठी असेल. वृत्तानुसार, व्हेरिएबल अपर्चर कॅमेरा केवळ Pro Max मॉडलपर्यंत बराच बदल दिसू शकतो.
फोल्डेबल iPhone Ultra वर खिळली नजर
Apple पहिल्यांदाच फोल्डेबल स्मार्टफोन बाजारात उतरवू शकते. कंपनीच्या या प्रीमियम डिव्हाईसला iPhone Ultra नाव देण्याची चर्चा आहे. वृत्तानुसार, यामध्ये बाहेरील बाजूने 5.3 इंचाची स्क्रीन तर फोन उघडताच ही स्क्रीन 7.7 इंचाच्या इंटरनल डिस्प्लेमध्ये दिसेल.फोल्डेबल iPhone मध्ये दोन रिअर कॅमेरा आणि एक फ्रंट कॅमेरा असू शकतो. यामध्ये Face ID ऐवजी Touch ID चा वापर केला जाऊ शकतो. Apple फोल्डेबल फोनसाठी iOS 27 मध्ये एक खास फीचर्स असेल. यामुळे एकाच वेळी फोनमध्ये दोन ॲप चालू असतील.
Apple Watch Series 12 पण होणार लाँच
Apple Watch Series 12 पण या इव्हेंटमध्ये दाखल होण्याची शक्यता आहे. यामध्ये नवीन S11 चिप, मोठी बॅटरी आणि फिटनेस ट्रॅकिंग फीचर्स मिळू शकतात. कंपनी प्रीमियम लूकसह Ceramic केसचा पर्याय उपलब्ध करून देऊ शकते. याशिवाय Apple Watch Ultra 4 ची पण चर्चा होत आहे. यामध्ये हायटेक सुविधा, फिटनेस आणि सॅटेलाईटसारख्या अनेक फीचर्स मिळतील. सॅटेलाईट मॅप्स आणि Messages द्वारे फोटो पाठवण्याचे फीचर्स सुद्धा असू शकते.
AirPods 5 ची दोन मॉडेल येण्याची शक्यता
Apple एंट्री लेव्हल AirPods अपडेट करू शकते. माहितीनुसार, AirPods 5 चे दोन व्हेरिएंट सादर केले जाऊ शकतात. यामधील एका मॉडेलमध्ये Active Noise Cancellation (ANC) मिळेल. तर दुसरे मॉडेल हे कमी किंमतीचे असू शकते.
Leave a Reply