सध्या सगळीकडे कॉकरोच जनता पार्टीची चर्चा आहे. सीजेपीच्या आंदोलनामुळे देशातलं वातावरण ढवळून निघालं आहे. अभिजीत दीपके या तरुणाच्या कल्पनेतून आकाराला आलेला हा पक्ष अवघ्या काही महिन्यात चर्चेच्या केंद्रस्थानी आला आहे. सरन्यायाधीशांनी केलेल्या एका टिप्पणीमधून या पक्षाचा जन्म झाला. सुरुवातीला इन्स्टाग्रामवर असलेला हा पक्ष आता रस्त्यावरच्या लढाईत उतरला आहे. 12 वर्षांपासून केंद्रात सत्तेवर असलेल्या नरेंद्र मोदी सरकारविरोधात विरोधीपक्षांना करणं जे जमलं नाही, ते कॉकरोच जनता पार्टीने करुन दाखवलं. देशाच्या शिक्षण मंत्र्यांना राजीनामा द्यायला भाग पाडलं. ही कॉकरोच जनता पार्टी आता निवडणुकीच्या रिंगणात उतरणार का? हा प्रश्न सर्वांनाच पडला आहे. त्याचं उत्तर या पक्षाचे संस्थापक अभिजीत दीपके यांनी दिलं आहे.
आज अभिजीत दीपकेच्या निवासस्थानी कॉकरोच जनता पार्टीची महत्वाची बैठक होत आहे. अभिजीत दीपके छत्रपती संभाजीनगरमध्ये रहायला आहे. पार्टीची पुढच्या रणनिती काय असावी? ते ठरवण्यासाठी अभिजीत दीपकेनी ही बैठक बोलावली आहे. या बैठकीआधी त्याने मीडियाशी संवाद साधला. त्यावेळी पत्रकारांनी त्याला विचारलं की, कॉकरोच जनता पार्टी निवडणूक रिंगणात उतरणार का? त्यावर त्याने सध्या काय ठरलय ते स्पष्टपणे सांगून टाकलं.
या देशात जेवढे राजकीय पक्ष आहेत…
“मला असं वाटतं की, प्रसारमाध्यमांना जास्त उत्सुक्ता लागली आहे की आम्ही राजकीय पक्ष बनवावा. या देशात जेवढे राजकीय पक्ष आहेत, मला वाटतं तुम्ही सुद्धा त्यांच्यापासून निराश आहात. आम्हाला ही सामाजिक चळवळच ठेवायची आहे. देशातली सध्या राजकीय स्थिती पाहता अजून एक राजकीय पक्ष बनवून काय करणार?” असा सवाल अभिजीतने विचारला.
राजकारणावरचा विश्वास उठत चालला आहे
“लोकांचा राजकारणावरचा विश्वास उठत चालला आहे. सकाळी लोक एकाला मतदान करतात, संध्याकाळी सरकार दुसऱ्यापक्षाचं बनलेलं असतं. सकाळी एक आमदार-खासदार बनतो, संध्याकाळी तो दुसऱ्या पक्षात गेलेला असतो” असं अभिजीत दीपके म्हणाला. कॉकरोच जनता पार्टीच्या समर्थकांची संख्या सध्या वाढत चालली आहे.
Leave a Reply