एक अशी बातमी समोर आली आहे, ज्यामुळे गावकऱ्यांना मोठा धक्का बसला आहे. गेल्या सात दिवसांपासून एक गाय सातत्याने एकाच शेतात गोल-गोल चकरा मारत होती. ज्या दिवसापासून या गायीने शेतात चकरा मारण्यास सुरुवात केली, तेव्हापासून ही गाय थांबून थांबून एकाच शेतात रात्रंदिवस चकरा मारत होती. त्यामुळे ही गाय पंचक्रोशीमध्ये चर्चेचा विषय ठरली. ही गाय पाहाण्यासाठी दूरवरून लोक या ठिकाणी येऊ लागले, लोकांनी या गायीची पूजा करण्यास देखील सुरुवात केली. मात्र गर्दी वाढतच गेल्यानं अखेर 8 दिवशी या ठिकाणी पोलिसांची एन्ट्री झाली, आणि त्यानंतर एक धक्कादायक प्रकार समोर आला. या गायीने गेल्या आठड्यात शुक्रवारपासून शेतात चकरा मारण्यास सुरुवात केली होती.
समोर आलेल्या माहितीनुसार ही घटना श्रावस्ती जिल्ह्यातल्या बसभरिया पुरैना गावामध्ये घडली आहे. ही गाय गेल्या सात दिवसांपासून सातत्याने एकाच शेतात चकरा मारत होती. त्यामुळे ही गाय चांगलीच चर्चेमध्ये आली, या गायीला पहाण्यासाठी दूरवरून लोक येऊ लागले, शेतात मोठी गर्दी झाली. दरम्यान गर्दी एवढी वाढली की आठव्या दिवशी या शेतात थेट पोलीस दाखल झाले. आठव्या दिवशी पोलिसांनी ही गर्दी पांगवली, त्यानंतर ही गाय तिच्या मालकाच्या ताब्यात देण्यात आली, लोकांनी या ठिकाणी पूजापाठ करण्यास देखील सुरुवात केली होती.
गावकऱ्यांनी दिलेल्या माहितीनुसार गेल्या आठवड्यात सकाळी आकरा वाजेच्या सुमारास या गायीने या शेताच्या चकरा मारण्यास सुरुवात केली होती. त्यानंतर थांबून -थांबून तिचं या शेतात चकरा मारणं सुरूच होतं. या गायीचा व्हिडीओ सोशल मीडियावर देखील चांगलाच व्हायरल झाला, त्यानंतर गावातील अनेक लोकांनी हा एक दैवी चमत्कार असल्याचं मानून या गायीची पूजा करण्यास सुरुवात केली, तिथे प्रचंड गर्दी जमली. या शेतात नेमकं असं काय आहे? ज्यामुळे ही गाय इथे चकरा मारत आहे, अशी देखील उत्सुकता अनेकांच्या मनात निर्माण झाली.
मात्र गर्दी वाढल्यामुळे अखेर आठव्या दिवशी या शेतात पोलीस दाखल झाले, पोलिसांनी ही गर्दी पांगवली. या गायीला तिच्या मुळ मालकाच्या ताब्यात देण्यात आलं. त्यानंतर या घटनेची माहिती पशु वैद्यकीय डॉक्टरांना देखील देण्यात आली. डॉक्टरांनी या गायची तपासणी केली असता, एक धक्कादायक माहिती समोर आली आहे, ती म्हणजे या गायीला हाइपोग्लाइसीमिया नावाचा आजार आहे, या आजाराची ज्या प्रण्याला लागण होते, त्यामध्ये अशी लक्षणं दिसून येतात. त्यानंतर आता या गायीवर उपचारास सुरुवात करण्यात आली आहे. ही गाय लवकर बरी व्हावी अशी प्रार्थना आता लोकांमधून होत आहे.
Leave a Reply